ദൈവതുല്യനും അകത്ത്; സ്വർണക്കൊള്ളയിൽ തന്ത്രി കണ്‌ഠരര് രാജീവര് പതിമൂന്നാം പ്രതി

 14 ദിവസം പൂജപ്പുര ജയിലിൽ

തിരുവനന്തപുരം: ശബരിമല സ്വർണക്കൊള്ള കേസിൽ റിമാൻഡിൽ കഴിയുന്ന മുൻ ദേവസ്വം പ്രസിഡന്റ് എ. പദ്മകുമാർ വിരൽചൂണ്ടിയ ആ 'ദൈവതുല്യന്" പിടിവീണു. ക്ഷേത്രത്തിലെ തന്ത്രിമുഖ്യനായ കണ്‌ഠരര് രാജീവര് (66) ശ്രീകോവിലിലെ കട്ടിളപ്പാളിയും പ്രഭാമണ്ഡലവും കൊള്ളയടിച്ച കേസിൽ ജയിലിൽ. 13-ാം പ്രതിയാണ്. ശബരിമല താന്ത്രികാവകാശം പരമ്പരാഗതമായി ലഭിച്ചിട്ടുള്ള ചെങ്ങന്നൂർ താഴമൺ കുടുംബത്തിലെ രാജീവര്

1998-99ൽ വിജയ് മല്യ സ്വർണം പൊതി‌ഞ്ഞപ്പോഴും 2019ൽ സ്വർണപ്പാളികൾ കൊള്ളയടിച്ചപ്പോഴും തന്ത്രിയായിരുന്നു. ഒന്നാംപ്രതിയായ ഉണ്ണികൃഷ്ണൻപോറ്റിക്ക് ഒത്താശ ചെയ്ത്, സ്വർണക്കൊള്ളയ്ക്ക് മൗനാനുവാദം നൽകി ഗൂഢാലോചനയിൽ പങ്കാളിയായെന്ന് കണ്ടെത്തിയാണ് എസ്.ഐ.ടി അറസ്റ്റ് ചെയ്തത്.

ക്രൈംബ്രാഞ്ച് മേധാവി എച്ച്. വെങ്കടേശിന്റെ നേതൃത്വത്തിൽ ആറുമണിക്കൂറോളം

ചോദ്യംചെയ്തശേഷമായിരുന്നു അറസ്റ്റ്. 14 ദിവസത്തേക്ക് പൂജപ്പുര സ്പെഷ്യൽ സബ്‌ജയിലിലേക്കാണ് റിമാൻഡ് ചെയ്തത്. കസ്റ്റഡിയിൽ വാങ്ങി ചോദ്യംചെയ്ത ശേഷം ദ്വാരപാലകശിൽപ്പങ്ങളിലെ സ്വർണക്കൊള്ളക്കേസിലും അറസ്റ്റ് രേഖപ്പെടുത്തും.

ഐ.പി.സി 403, 406, 409, 466, 467, 120(ബി), 34, അഴിമതി നിരോധന നിയമത്തിലെ 13(1), 13(2) വകുപ്പുകൾ ചുമത്തി. 2019മേയ് 14മുതൽ മേയ് 19വരെ കണ്‌ഠരര് രാജീവര് തന്ത്രി സന്നിധാനത്തുണ്ടായിരുന്ന കാലയളവിലാണ് ശ്രീകോവിൽ വാതിലിന്റെ കട്ടിളപ്പാളികളും പ്രഭാമണ്ഡലവും അഴിച്ചെടുത്ത് പോറ്റിക്ക് കൈമാറിയത്. 2019മേയ് 18നായിരുന്നു ഇത്. കട്ടിളപ്പാളികളും പ്രഭാമണ്ഡലവും സ്ഥാപിച്ചിരുന്നിടത്ത് കൽത്തൂണുകൾ മാത്രമായിരിക്കെ, മേയ് 19ന് ശ്രീകോവിലിൽ തന്ത്രി പൂജകൾ നടത്തി. അതിനാൽ പാളികൾ ഇളക്കിയതിനെക്കുറിച്ച് തന്ത്രിക്ക് വ്യക്തമായ അറിവുണ്ടായിരുന്നെന്ന് എസ്.ഐ.ടി കണ്ടെത്തി. തന്റെ അനുമതിയോടെയല്ല കട്ടിളപാളികളും പ്രഭാമണ്ഡലവും ഇളക്കിക്കൊണ്ടു പോയതെങ്കിൽ തന്ത്രി ബോർഡിനെ രേഖാമൂലം അറിയിക്കേണ്ടതായിരുന്നു. അത് ചെയ്തിട്ടില്ലെന്ന് എസ്.ഐ.ടി കണ്ടെത്തി.

കടുത്ത ആചാര ലംഘനം;

കൊള്ളയ്ക്ക് മൗനാനുവാദം

 ക്ഷേത്രത്തിന്റെ ചൈതന്യവും പരിപാവനതയും ആത്മീയമൂല്യവും കാത്തുസൂക്ഷിക്കാൻ ബാദ്ധ്യസ്ഥനായ തന്ത്രി, ആചാരലംഘനത്തിന് കൂട്ടുനിന്നെന്ന് എസ്.ഐ.ടി. പാളികൾ ഇളക്കിക്കൊണ്ടുപോയത് ബോർഡിന്റെ ശ്രദ്ധയിൽപ്പെടുത്താതെ കൊള്ളയ്ക്ക് കുറ്റകരമായ മൗനാനുവാദമാണ് നൽകിയത്. പോറ്റിക്ക് സ്വർണപ്പാളികൾ കൈമാറുന്നത് തടഞ്ഞില്ല.

ശ്രീകോവിലിന്റെ വാതിൽ കട്ടിളയിലെ ദശാവതാരങ്ങൾ പതിച്ച രണ്ടുപാളികൾ, മുകൾപ്പടിയിലെ പാളി, സ്വർണം പതിച്ച ശിവരൂപവും വ്യാളീരൂപവുമടങ്ങിയ രണ്ട് പ്രഭാമണ്ഡല പാളികൾ എന്നിവയാണ് 2019 മാർച്ച് 20ന് ഇറക്കിയ ബോർഡ് ഉത്തരവ് പ്രകാരം 2019മേയ് 18ന് ഇളക്കിയെടുത്ത് പോറ്റിക്ക് കൈമാറിയത്. ഇതിന് ദേവന്റെ അനുജ്ഞ വാങ്ങിയിട്ടില്ല. താന്ത്രിക നടപടികൾ പാലിച്ചിട്ടില്ല.

 2019ജൂൺ 15ന് മിഥുനമാസ പൂജയ്ക്ക് നട തുറന്നപ്പോഴും കട്ടിളയും പ്രഭാപാളികളും തിരിച്ചെത്തിച്ചിട്ടില്ലെന്ന് തന്ത്രിക്ക് നേരിട്ടറിയാമായിരുന്നു. ഈ സമയത്തും തന്ത്രിയുടെ സാന്നിദ്ധ്യം സന്നിധാനത്തുണ്ടായിരുന്നു. 2019ജൂൺ 18ന് കട്ടിളയും പ്രഭാമണ്ഡലവും തിരിച്ചെത്തിച്ച് ഘടിപ്പിച്ചപ്പോഴും തന്ത്രിയുടെ സാന്നിദ്ധ്യമുണ്ടായിരുന്നു. ദേവസ്വം മാന്വൽ പ്രകാരം വിലപിടിപ്പുള്ള വസ്തുക്കളുടെ അറ്റകുറ്റപ്പണി ദേവസ്വത്തിൽ വച്ചുതന്നെ നടത്തേണ്ടതാണ്. ക്ഷേത്രത്തിന് പുറത്തുകൊണ്ടുപോവാൻ പാടില്ല. വിജയ്‌മല്യ സ്വർണം പൊതിഞ്ഞ പണികൾ നടത്തിയതും സന്നിധാനത്ത് വച്ചായിരുന്നു.

അ​ടു​ത്ത​താര്;
ഉ​ട​ന​റി​യാം
ത​ന്ത്രി​യു​ടെ​ ​അ​റ​സ്റ്റോ​ടെ​ ​സ്വ​ർ​ണ​ക്കൊ​ള്ള​ക്കേ​സി​ൽ​ ​അ​ടു​ത്ത​ത് ​ആ​രെ​ന്ന​തി​ൽ​ ​ആ​കാം​ക്ഷ.​ ​ഉ​ന്ന​ത​രാ​യ​ ​ചി​ല​ർ​ ​ഇ​നി​യും​ ​പി​ടി​യി​ലാ​വാ​നു​ണ്ടെ​ന്ന് ​എ​സ്.​ഐ.​ടി​ ​പ​റ​യു​ന്നു.​ ​ത​ന്ത്രി​യെ​ ​ചോ​ദ്യം​ചെ​യ്യു​ന്ന​തോ​ടെ​ ​പ​ല​ ​ചോ​ദ്യ​ങ്ങ​ൾ​ക്കും​ ​ഉ​ത്ത​ര​മാ​കും.​ ​സ്വ​ർ​ണ​പ്പാ​ളി​ക​ൾ​ ​ക​ട​ത്തി​യ​തെ​ങ്ങോ​ട്ട് ​എ​ന്ന​തട​ക്കം​ ​ഇ​നി​ ​വേ​ണം​ ​ക​ണ്ടെ​ത്താ​ൻ.​ ​ദേ​വ​സ്വം​ ​മ​ന്ത്രി​യാ​യി​രു​ന്ന​ ​ക​ട​കം​പ​ള്ളി​ ​സു​രേ​ന്ദ്ര​നും​ ​സം​ശ​യ​മു​ന​യി​ലാ​ണ്.​ ​ചോ​ദ്യം​ ​ചെ​യ്യ​ലി​ൽ​ ​എ​സ്.​ഐ.​ടി​യു​ടെ​ ​ചോ​ദ്യ​ങ്ങ​ളെ​ല്ലാം​ ​ക​ട​കം​പ​ള്ളി​ ​നി​ഷേ​ധി​ച്ചി​രു​ന്നു.​ ​മൊ​ഴി​യി​ലെ​ ​വി​വ​ര​ങ്ങ​ൾ​ ​എ​സ്.​ഐ.​ടി​ ​പ​രി​ശോ​ധി​ക്കു​ക​യാ​ണ്.​ ​വൈ​രു​ദ്ധ്യം​ ​ക​ണ്ടെ​ത്തി​യാ​ൽ​ ​ക​ട​കം​പ​ള്ളി​ക്കും​ ​കു​രു​ക്കാ​വും.​ ​ബോ​ർ​ഡം​ഗ​മാ​യി​രു​ന്ന​ ​ശ​ങ്ക​ര​ദാ​സി​നെ​ ​ഉ​ട​ൻ​ ​അ​റ​സ്റ്റ് ​ചെ​യ്യും.​ 2025​ൽ​ ​സ്വ​ർ​ണം​ ​പൂ​ശാ​ൻ​ ​അ​നു​മ​തി​ ​ന​ൽ​കി​യ​ ​അ​ന്ന​ത്തെ​ ​ബോ​ർ​ഡ് ​പ്ര​സി​ഡ​ന്റ് ​പ്ര​ശാ​ന്തി​നെ​ ​വീ​ണ്ടും​ ​ചോ​ദ്യം​ചെ​യ്തേ​ക്കും.

ഇ.​ഡി​യും​ ​
കേ​സെ​ടു​ത്തു

കൊ​ച്ചി​:​ ​ശ​ബ​രി​മ​ല​ ​സ്വ​ർ​ണ​ക്കൊ​ള്ള​യി​ൽ​ ​എ​ൻ​ഫോ​ഴ്സ്‌​മെ​ന്റ് ​ഡ​യ​റ​ക്‌​ട​റേ​റ്റും​ ​കേ​സ് ​ര​ജി​സ്‌​റ്റ​ർ​ ​ചെ​യ്‌​തു.​ ​ഇ​ന്ന​ലെ​ ​അ​റ​സ്റ്റി​ലാ​യ​ ​ത​ന്ത്രി​ ​ക​ണ്ഠ​ര​ര് ​രാ​ജീ​വ​ര് ​ഉ​ൾ​പ്പെ​ടെ​ ​പ്ര​ത്യേ​ക​ ​അ​ന്വേ​ഷ​ണ​ ​സം​ഘം​ ​ര​ജി​സ്‌​റ്റ​ർ​ ​ചെ​യ്‌​ത​ ​ര​ണ്ടു​ ​കേ​സു​ക​ളി​ലെ​യും​ ​മു​ഴു​വ​ൻ​ ​പ്ര​തി​ക​ളും​ ​ഇ.​ഡി​ ​കേ​സി​ലും​ ​ഉ​ൾ​പ്പെ​ട്ടു.​ ​ഇ​വ​രെ​ ​കേ​ന്ദ്രീ​ക​രി​ച്ച് ​ന​ട​ത്തു​ന്ന​ ​അ​ന്വേ​ഷ​ണ​ത്തി​ൽ​ ​കൂ​ടു​ത​ൽ​പേ​ർ​ ​പ്ര​തി​ക​ളാ​യേ​ക്കു​മെ​ന്ന് ​ഇ.​ഡി​ ​വൃ​ത്ത​ങ്ങ​ൾ​ ​സൂ​ചി​പ്പി​ച്ചു.​ ​അ​സി​സ്‌​റ്റ​ന്റ് ​ഡ​യ​റ​ക്‌​ട​ർ​ ​ആ​ശു​ ​ഗോ​യ​ലാ​ണ് ​അ​ന്വേ​ഷ​ണ​ ​ഉ​ദ്യോ​ഗ​സ്ഥ​ൻ.​ ​ഇ​ന്ന​ലെ​ ​വൈ​കി​ട്ടാ​ണ് ​എ​ൻ​ഫോ​ഴ്സ്‌​മെ​ന്റ് ​കേ​സ് ​ഇ​ൻ​ഫ​ർ​മേ​ഷ​ൻ​ ​റി​പ്പോ​ർ​ട്ട് ​(​ഇ.​സി.​ഐ.​ആ​ർ​)​ ​ര​ജി​സ്‌​റ്റ​ർ​ ​ചെ​യ്‌​ത​ത്.​ ​ക​ള്ള​പ്പ​ണ​ ​നി​രോ​ധ​ന​ ​നി​യ​മ​ത്തി​ലെ​ ​വ​കു​പ്പ് ​മൂ​ന്നും​ ​നാ​ലും​ ​പ്ര​കാ​ര​മു​ള്ള​ ​കു​റ്റ​ങ്ങ​ളാ​ണ് ​പ്ര​തി​ക​ൾ​ക്കെ​തി​രെ​ ​ചു​മ​ത്തി​യ​ത്.

''ഒരു കുറ്റവും ചെയ്തില്ല, കുടുക്കിയതാണ്. സ്വാമി ശരണം''

-കണ്ഠരര് രാജീവര്