എസ്‌എഫ്‌‌ഐ പ്രതിഷേധത്തിനിടെ ഗവർണർക്ക് തിരിച്ചടി; കേരള സർവകലാശാല സെനറ്റിലേയ്ക്ക് വിദ്യാർത്ഥികളെ നിർദേശിച്ച നടപടിയ്ക്ക് സ്റ്റേ

കൊച്ചി: കേരള സർവകലാശാല സെനറ്റിലേയ്ക്ക് വിദ്യാർത്ഥികളെ നിർദേശിച്ച ഗവർണറുടെ നടപടി സ്റ്റേ ചെയ്ത് ഹൈക്കോടതി. തിരുവനന്തപുരം മാർ ഇവാനിയോസ് കോളേജ് വിദ്യാർത്ഥികളായ നന്ദകിഷോർ, അരവിന്ദ് എന്നിവർ നൽകിയ ഹർജിയിലാണ് ഹൈക്കോടതി നടപടി. ജസ്റ്റിസ് ടി ആർ രവിയാണ് ഇടക്കാല ഉത്തരവ് പുറപ്പെടുവിച്ചത്.

സെനറ്റിലേയ്ക്ക് ഗവർണർ നാല് വിദ്യാർത്ഥികളെയാണ് നാമനിർദേശം ചെയ്തത്. യോഗ്യതയുള്ളവരെ അവഗണിച്ചാണ് ഗവർണർ വിദ്യാർത്ഥികളെ നാമനിർദേശം ചെയ്തതെന്നാണ് ആരോപണം. സർക്കാർ- ഗവർണർ പോര് മുറുകുന്നതിനിടെയാണ് ഗവർണർക്ക് തിരിച്ചടിയായി ഹൈക്കോടതി ഉത്തരവ് എത്തിയിരിക്കുന്നത്.

കേ​ര​ള,​ ​കാ​ലി​ക്ക​റ്റ് ​സ​ർ​വ​ക​ലാ​ശാ​ല​ക​ളി​ൽ​ ​സ​ർ​ക്കാ​രി​ന്റെ​ ​പാ​ന​ൽ​ ​നി​ര​സി​ച്ച് ​സ്വ​ന്തം​ ​നി​ല​യി​ൽ​ ​അം​ഗ​ങ്ങ​ളെ​ ​നി​യോ​ഗി​ച്ച​ത് ​ഗ​വ​ർ​ണ​ർ​ക്കെ​തി​രാ​യ എസ്‌എഫ്‌ഐ പ്രതിഷേധത്തിന് കാരണമായിരുന്നു. തിരുവനന്തപുരത്ത് മൂന്നിടത്തായി പ്രവർത്തകർ കരിങ്കൊടി കാണിച്ച് പ്രതിഷേധിച്ചതിന് പിന്നിൽ മുഖ്യമന്ത്രിയുടെ ഗൂഢാലോചനയാണെന്ന് ഗവർണർ ആരിഫ് മുഹമ്മദ് ഖാൻ ആരോപിക്കുകയും ചെയ്തു.

ഗ​വ​ർ​ണ​റു​ടെ​ ​നാ​മ​നി​ർ​ദ്ദേ​ശ​ത്തോ​ടെ​ ​കേ​ര​ള​യി​ൽ​ ​ര​ണ്ടും​ ​കാ​ലി​ക്ക​റ്റി​ൽ​ ​ഒ​ന്നും​ ​സി​ൻ​ഡി​ക്കേ​റ്റം​ഗ​ങ്ങ​ളെ​ ​ജ​യി​പ്പി​ച്ചെ​ടു​ക്കാ​ൻ​ ​ബിജെപി​യ്ക്ക് ​സാധിക്കുമെന്ന നിലയിലായിരുന്നു കാര്യങ്ങൾ.​ ​ കേ​ര​ള​ ​സ​ർ​വ​ക​ലാ​ശാ​ലാ​ ​സെ​ന​റ്റി​ലേ​യ്ക്ക് ​സ​ർ​ക്കാ​ർ​ ​ന​ൽ​കി​യ​ ​പാ​ന​ൽ​ ​ അ​പ്പാ​ടെ​ ​ത​ള്ളി​ക്ക​ള​ഞ്ഞാണ് ഗ​വ​ർ​ണ​ർ സ്വന്തം നിലയിൽ നാമനിർദേശം നടത്തിയത്.​ ​കേ​ര​ള,​ ​കാ​ലി​ക്ക​റ്റ് ​സെ​ന​റ്റ് ​തി​ര​ഞ്ഞെ​ടു​പ്പ് ​പൂ​ർ​ത്തി​യാ​യി​ട്ട് ​ആ​റു​ ​മാ​സ​മാ​യെ​ങ്കി​ലും​ ​ഗ​വ​ർ​ണ​റു​ടെ​ ​നാ​മ​നി​ർ​ദ്ദേ​ശം​ ​വൈ​കി​യ​തു​മൂ​ലം​ ​സി​ൻ​ഡി​ക്കേ​റ്റി​ലേ​ക്കു​ള്ള​ ​തി​ര​ഞ്ഞെ​ടു​പ്പ് ​ന​ട​ന്നി​ട്ടി​ല്ലായിരുന്നു.