അതിതീവ്രമഴ മുന്നറിയിപ്പ്, രണ്ട് ദിവസം വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ച് കാസർകോട് കളക്ടർ, ട്യൂഷൻ സെന്ററുകൾക്കും മദ്രസകൾക്കും ബാധകം

കാസർകോട് : അതിതീവ്ര മഴയുടെ പശ്ചാത്തലത്തിൽ കാസർകോട് ജില്ലയിൽ വിദ്യാഭ്യാസ സ്ഥാപനങ്ങൾക്ക് ജില്ലാ കളക്ടർ അവധി പ്രഖ്യാപിച്ചു. ജൂൺ 14നും 15നും ജില്ലയിലെ പ്രൊഫഷണൽ കോളേജുകൾ,​ കേന്ദ്രീയ വിദ്യാലയങ്ങ&ൾ,​ ട്യൂഷൻ സെന്ററുകൾ,​ മദ്രസകൾ,​ അങ്കണവാടികൾ,​ സ്പെഷ്യൽ ക്ലാസുകൾ അടക്കമുള്ളവയ്ക്ക് അവധിയായിരിക്കുമെന്ന് കളക്ടറുടെ അറിയിപ്പിൽ പറയുന്നു. അതേസമയം മുൻകൂട്ടി നിശ്ചയിച്ച പരീക്ഷകൾക്ക് മാറ്റമുണ്ടായിരിക്കില്ല. അവ നിശ്ചയിച്ച പ്രകാരം നടക്കും.

കാസർകോട് ജില്ലയ്ക്ക് പുറമേ കണ്ണൂരിലും വിദ്യാഭ്യാസ സ്ഥാപനങ്ങൾ പ്രവർത്തിക്കരുതെന്ന് ജില്ലാ കളക്ടർ നിർദ്ദേശം നൽകിയിട്ടുണ്ട്. അടുത്ത രണ്ടു ദിവസങ്ങളിലാണ് നിയന്ത്രണം. സ്കൂളുകൾ,​ അങ്കണവാടികൾ,​ ട്യൂഷൻ സെന്ററുകൾ എന്നിവയും പ്രവർത്തിക്കരുതെന്ന് കളക്ടർ അറിയിച്ചു. ജില്ലയിൽ ജൂൺ14നും 15നും അതിതീവ്ര മഴ മുന്നറിയിപ്പാണ് നൽകിയിരിക്കുന്നത്.