തുല്യതാകോഴ്‌സ് രജിസ്ട്രേഷൻ ആരംഭിച്ചു

തിരുവനന്തപുരം: സംസ്ഥാന സാക്ഷരതാമിഷൻ അതോറിറ്റി നടത്തുന്ന പത്താം ക്ലാസ് തുല്യതാ കോഴ്സിന്റെയും ഹയർസെക്കൻഡറി തുല്യതാകോഴ്സിന്റെയും രജിസ്ട്രേഷൻ ആരംഭിച്ചു. ഫൈനില്ലാതെ മാർച്ച് 15 വരെ അപേക്ഷിക്കാം. മാർച്ച് 16 മുതൽ 31വരെ 50 രൂപ ഫൈനോടെയും ഏപ്രിൽ 1 മുതൽ 29 വരെ 200 രൂപ സൂപ്പർഫൈനോടെയും രജിസ്ട്രേഷൻ നടത്താം. ഏഴാം ക്ലാസ് വിജയിച്ച് 17 വയസ്സ് പൂർത്തിയായവർക്ക് പത്താം ക്ലാസ് തുല്യതയ്ക്കായും പത്താം ക്ലാസ് വിജയിച്ച് 22 വയസ്സ് പൂർത്തിയായവർക്ക് ഹയർ സെക്കൻഡറി തുല്യതാ കോഴ്സിനും രജിസ്റ്റർ ചെയ്യാം. പത്താം ക്ലാസിന് 1950 രൂപയും ഹയർ സെക്കൻഡറിക്ക് 2600 രൂപയുമാണ് ഫീസ്. പട്ടികജാതി,പട്ടികവർഗ്ഗ വിഭാഗങ്ങൾക്ക് ഫീസിളവുണ്ട്. ഭിന്നശേഷിക്കാർ, ട്രാൻസ്ജൻഡേഴ്സ് എന്നിവർക്ക് ഫീസ് നൽകേണ്ടതില്ല. വിശദവിവരങ്ങൾക്ക് www.literacymissionkerala.org