സുരേഷ് ഗോപിയുടെ റോഡ് ഷോ ഇന്ന്

തൃശൂർ: എൻ.ഡി.എ സ്ഥാനാർത്ഥി സുരേഷ് ഗോപിയുടെ പ്രചാരണത്തിന് ഇന്നുതുടക്കമാകും. വൈകിട്ട് 4.30ന് തൃശൂർ റെയിൽവേ സ്റ്റേഷനിലെത്തുന്ന സുരേഷ് ഗോപിയെ ബൈക്കുകളുടെ അകമ്പടിയിൽ നടുവിലാലിലേക്ക് സ്വീകരിക്കും. തുടർന്ന് റോഡ് ഷോ നടത്തും. കോർപ്പറേഷൻ പരിസരത്ത് സമാപിക്കുന്ന റോഡ് ഷോയിൽ എൻ.ഡി.എ നേതാക്കൾ പങ്കെടുക്കും. അടുത്ത ദിവസം മുതൽ മണ്ഡലത്തിൽ പ്രചാരണത്തിനിറങ്ങും. ഇത് രണ്ടാം തവണയാണ് സുരേഷ് ഗോപി ലോക്‌സഭ തിരഞ്ഞെടുപ്പിൽ തൃശൂരിൽ നിന്നു ജനവിധി തേടുന്നത്. കഴിഞ്ഞതവണ ശക്തമായ മുന്നേറ്റം നടത്തിയിരുന്നു. തുടർന്ന് നടന്ന നിയമസഭ തിരഞ്ഞെടുപ്പിൽ മത്സരിച്ചു പരാജയപ്പെട്ടെങ്കിലും കാരുണ്യ പ്രവർത്തനങ്ങളിലും രാജ്യസഭ എം.പി എന്ന നിലയിൽ സജീവ ഇടപെടലുമായി മണ്ഡലത്തിൽ ഉണ്ടായിരുന്നു. ബി.ജെ.പി വിജയപ്രതീക്ഷ പുലർത്തുന്ന മണ്ഡലം കൂടിയാണ് തൃശൂർ.