ഉന്നത വിദ്യാഭ്യാസ സംരക്ഷണ കൺവൻഷൻ

ആലപ്പുഴ : സർവകലാശാലകളുടെ മേലുള്ള സംഘപരിവാർ കൈകടത്തലുകൾ അവസാനിപ്പിക്കുക, സ്വകാര്യ സർവകലാശാല ബിൽ പിൻവലിക്കുക, ഫീസ് വർദ്ധനവ് പിൻവലിക്കുക തുടങ്ങിയ ആവശ്യങ്ങൾ ഉന്നയിച്ച് എ.ഐ.ഡി.എസ്.ഒ സംസ്ഥാന കമ്മിറ്റി ജെൻഡർ പാർക്കിൽ സംഘടിപ്പിച്ച ഉന്നത വിദ്യാഭ്യാസ സംരക്ഷണ കൺവൻഷൻ അഖിലേന്ത്യാ ജനറൽ സെക്രട്ടറി ശിബാശിഷ് പ്രഹരാജ് ഉദ്ഘാടനം ചെയ്തു. ആൾ ഇന്ത്യാ സേവ് എഡ്യൂക്കേഷൻ കമ്മിറ്റി സംസ്ഥാന വൈസ് പ്രസിഡന്റ് എം. ഷാജർഖാൻ മുഖ്യപ്രഭാഷണം നടത്തി. അഡ്വ. ഇ.എൻ. ശാന്തിരാജ്, ജതിൻ ആർ, വി.പി. വിദ്യ, അലൻ റോയ് എന്നിവർ സംസാരിച്ചു.