212-ാമത്തെ വീട് കൈമാറി

പള്ളുരുത്തി: കെസിയ ഹോപ് സെന്ററിന്റെ നേതൃത്വത്തിൽ സുമനസുകളുടെ സഹകരണത്തോടെ ഹൗസ്ചലഞ്ച് പദ്ധതിയുടെ ഭാഗമായി പൂർത്തിയാക്കിയ 212-ാമത്തെ ഭവനത്തിന്റെ താക്കോൽദാനം കെസിയ ജോസഫ് തെരുവിപ്പറമ്പിൽ നിർവഹിച്ചു. സിസ്റ്റർ ലിസി ചക്കാലക്കൽ അദ്ധ്യക്ഷയായി​. ലീന ജോസഫ് മുഖ്യാതിഥിയായിരുന്നു.

കുമ്പളങ്ങി മുട്ടുങ്കൽ ലിസി ജേക്കബിനും കുടുംബത്തിനും വേണ്ടിയാണ് വീട് നി​ർമ്മി​ച്ചത്. പൂർത്തിയാക്കാൻ വേണ്ട മുഴുവൻ നിർമ്മാണവസ്തുക്കളും നൽകി സഹായിച്ചത് കോൺഫിഡന്റ് ഗ്രൂപ്പ് എം.ഡി. ടി.എ. ജോസഫും ടീമുമാണ്. ടി.ജെ. ആന്റണി, സി.കെ. ടെൽഫി, ജിജി റോസ്, ബിന്ദു സന്തോഷ്, ലേഖ ഡെന്നി, ഹൗസ്ചലഞ്ച് കോ-ഓർഡിനേറ്റർ ലില്ലി പോൾ തുടങ്ങിയവർ സംസാരിച്ചു.