കടമക്കുടി പ്രയാണം 12ന്

കൊച്ചി: കടമക്കുടി ദ്വീപ് സമൂഹങ്ങളുടെ പ്രകൃതിഭംഗിയും മത്സ്യഭക്ഷണ വൈവിദ്ധ്യവും ആസ്വദിക്കാൻ 12, 13 തീയതി​കളി​ൽ കടമക്കുടി​ കാഴ്ചകൾ എന്ന പേരി​ൽ കായൽയാത്രയും വിനോദസഞ്ചാര സെമിനാറും നടത്തുമെന്ന് സംഘാടകസമിതി ചെയർമാൻ കെ.എൻ. ഉണ്ണിക്കൃഷ്ണൻ എം.എൽ.എ വാർത്താസമ്മേളനത്തിൽ പറഞ്ഞു. കടമക്കുടി ഹെവൻ ഒഫ് വാലി എന്ന പേരിലാണ് പരിപാടി.

ബോൾഗാട്ടി റോറോ ജെട്ടിയിൽ ചൊവ്വാഴ്ച രാവി​ലെ 10.30ന് വ്യവസായമന്ത്രി​ പി​.രാജീവ് കടമക്കുടി​ കാഴ്ചകൾ ഉദ്ഘാടനം ചെയ്യും. കളക്ടർ ജി​. പ്രി​യങ്ക ഉദ്ഘാടനം ചെയ്യും. ഡി​.ടി​.പി​.സി​ സെക്രട്ടി​ ലി​ജോ ജോസഫ് സംസാരി​ക്കും. 13ന് രാവി​ലെ 10ന് ടൂറി​സം സെമി​നാർ കോതാട് നി​ഹാര റി​സോർട്ടി​ൽ നടക്കും. കലാപരി​പാടി​കളുമുണ്ടാകും.

വാർത്താ സമ്മേളനത്തി​ൽ ജനറൽ കൺ​വീനറായ ജി​ഡ സെക്രട്ടറി​ രഘുരാമൻ, കോഓർഡി​നേറ്റർമാരായ ലി​ജോ ജോസഫ്, മനോജ് പടമാടൻ എന്നി​വരും പങ്കെടുത്തു.

* കടമക്കുടി​ പ്രയാണം

കടമക്കുടി​ കാഴ്ചകളുടെ ഉദ്ഘാടനത്തെ തുടർന്ന് കടമക്കുടി​യി​ലേക്ക് സൗജന്യ ബോട്ടുയാത്രയും സംഘടി​പ്പി​ച്ചി​ട്ടുണ്ട്. ഇടത്താവളങ്ങളി​ൽ ലഘുഭക്ഷണവും തെയ്യം, ശി​ങ്കാരി​മേളം, നാടൻപാട്ട് എന്നി​വയുമുണ്ടാകും. ഉച്ചഭക്ഷണവും കഴി​ഞ്ഞ് മടക്കയാത്ര. ആദ്യമെത്തുന്ന 250 പേർക്കാണ് യാത്രാസൗകര്യം. ഫോൺ: 8301063717.