ചെറായി ബീച്ച് മാരത്തൺ 3

കൊച്ചി: ജില്ലാ ടൂറിസം പ്രൊമോഷൻ കൗൺസിലും ചെറായി റണ്ണേഴ്‌സ് ക്ലബും സംയുക്തമായി സംഘടിപ്പിച്ച ചെറായി ബീച്ച് മാരത്തൺ സീസൺ 3 സമാപിച്ചു. കളക്ടർ ജി. പ്രിയങ്ക ഫ്ളാഗ് ഓഫ് ചെയ്തു. 21 കിലോമീറ്റർ, 10 കിലോമീറ്റർ, 5 കിലോമീറ്റർ ഫൺ റൺ എന്നീ വിഭാഗങ്ങൾക്ക് പുറമെ, ഭിന്നശേഷിക്കാർക്കായി സ്‌പെഷ്യൽ റണ്ണും സംഘടിപ്പിച്ചു. പള്ളിപ്പുറം പഞ്ചായത്ത് പ്രസിഡന്റ് ജയൻ, ബ്ലോക്ക് പഞ്ചായത്ത് പ്രസിഡന്റ് ഡോ. കെ.കെ ജോഷി, ആരോഗ്യകാര്യ സ്റ്റാൻഡിംഗ് കമ്മിറ്റി ചെയർമാൻ മനു കുഞ്ഞുമോൻ, ഡി.ടി.പി.സി സെക്രട്ടറി ലിജോ ജോസഫ്, ആർ.ടി.ഒ ബിജു ഐസക്, ജസ്റ്റിൻ, രാജീവ്, സുനിൽകുമാർ, ബാലൻ തുടങ്ങിയവർ സംസാരിച്ചു.