മാടായി റെസ്റ്റ് ഹൗസ് കെട്ടിടത്തിന് ഭരണാനുമതി

പഴയങ്ങാടി :മാടായി റെസ്റ്റ് ഹൗസിന് പുതിയ കെട്ടിടം നിർമ്മിക്കുന്നതിന് നാല് കോടി രൂപയുടെ ഭരണാനുമതി ലഭിച്ചതായി എം.വിജിൻ എം.എൽ.എ അറിയിച്ചു.നിരവധി സഞ്ചാരികൾ എത്തി ചേരുന്ന മാടായിപ്പാറ, ചൂട്ടാട് വയലപ്ര ടൂറിസം , മലബാർ റിവർ ക്രൂയീസ് ടൂറിസം , പെറ്റ് സ്റ്റേഷൻ, മാടായിക്കാവ്, മാടായിപ്പള്ളി എന്നിവയുടെ പ്രാധാന്യം കണക്കിലെടുത്ത് ഇവിടെ എത്തച്ചേരുന്നവർക്ക് താമസിക്കുന്നതിന് സൗകര്യം ഒരുക്കുന്നതിന് ആധുനിക രീതിയിലുള്ളതും കൂടുതൽ പേർക്ക് താമസിക്കാൻ പാകത്തിലുള്ളതുമായ പുതിയ കെട്ടിടം നിർമ്മിക്കാൻ നടപടി സ്വീകരിക്കണമെന്ന് എം എൽ എ
പൊതുമരാമത്ത് വകുപ്പ് മന്ത്രിയോട് ആവശ്യപ്പെട്ടതിന്റെ അടിസ്ഥാനത്തിൽ നാല് കോടി രൂപ ബഡ്ജറ്റിൽ സംസ്ഥാന സർക്കാർ അനുവദിച്ചിരുന്നു.രണ്ട് വി ഐ പി റും, മീറ്റിംഗ് ഹാൾ, ഡൈനിംഗ് ഹാൾ, റീഡിംഗ് റും, കെയർ ടേക്കർ റൂം 9 മുറികളും ഉൾപ്പടെ 1055.17 സ്‌ക്വയർ മീറ്ററിലാണ് ഇരുനില കെട്ടിടം ഒരുക്കുന്നത്.