ആയുധങ്ങൾ സറണ്ടർ ചെയ്യണം

കൊല്ലം: തദ്ദേശ തിരഞ്ഞെടുപ്പിനോടനുബന്ധിച്ച് എല്ലാ ആയുധ ലൈസൻസികളും 19നകം പൊലീസ് സ്റ്റേഷനുകളിൽ ആയുധങ്ങൾ സറണ്ടർ ചെയ്യണമെന്ന് ജില്ലാ കളക്‌ടർ എൻ.ദേവിദാസ്. റൈഫിൾ അസോസിയേഷൻ, വിമുക്ത ഭടന്മാർ എന്നിവർ അവർ ജോലി ചെയ്യുന്ന സ്ഥാപനങ്ങളുടെ സാക്ഷ്യപത്രം ഹാജരാക്കണം. പൊതുമേഖലാ/സ്വകാര്യ ബാങ്കുകളിലെ സുരക്ഷാ ജീവനക്കാർ ആയുധങ്ങൾ കൈവശം സൂക്ഷിക്കാൻ ബാങ്ക് മാനേജർമാരുടെ കത്ത് ഹാജരാക്കണം. ഇതിൽ ജോലിയുടെ സ്വഭാവം, ജീവനക്കാരെ നിയോഗിച്ചിരിക്കുന്ന സമയം, ആയുധം സൂക്ഷിക്കുന്ന സ്ഥലം-വ്യക്തിയുടെ വിശദാംശങ്ങൾ തുടങ്ങിയവ രേഖപ്പെടുത്തണം. എ.ഡി.എം ജി.നിർമൽ കുമാർ, പൊലീസ് അസി.കമ്മിഷണർ പ്രദീപ്, കൊല്ലം റൂറൽ ഡിവൈ.എസ്.പി രവി സന്തോഷ്, ഡി.എൽ.ഒ എസ്.അരുൺകുമാർ, സൂപ്രണ്ട് നസീമ തുടങ്ങിയവർ പങ്കെടുത്തു.