ഓവറാൾ ചാമ്പ്യൻ ഷിപ്പ്

കൊട്ടാരക്കര: കുടുംബശ്രീ ജില്ലാ മിഷന്റെ ആഭിമുഖ്യത്തിൽ നടന്ന ബഡ്സ് ഒളിമ്പിയ കായികമേളയിൽ വെട്ടിക്കവല തലച്ചിറയിൽ പ്രവർത്തിക്കുന്ന ബഡ്സ് ഓവറാൾ ചാമ്പ്യൻഷിപ്പ് കരസ്ഥമാക്കി. കുടുംബശ്രീ ജില്ല ബഡ്സ് ഒളിമ്പിയ കായിക മേളയിൽ 34 സ്കൂളുകളിലെ കുട്ടികൾ പങ്കെടുത്തു. തണൽ ബി.ആർ.സിയിലെ കുട്ടികൾ 100 മീറ്റർ, 4+100 എന്നീ ഓട്ടമത്സര വിഭാഗങ്ങളിൽ ഒന്നാം സ്ഥാനവും നടത്തം, ഷോട്ട്പുട്ട്, ലോംഗ് ജംപ് വിഭാഗങ്ങളിൽ രണ്ടാം സ്ഥാനവും ലോവർ എബിലിറ്റിയിൽ ബാൾ ത്രോ ടു ഗോൾ പോസ്റ്റിൽ മൂന്നാം സ്ഥാനവും ഉൾപ്പടെ 24 പോയിന്റോടെയാണ് ഓവറാൾ ചാമ്പ്യൻഷിപ്പ് നേടിയത്. കുടുംബശ്രീ മിഷൻ ജില്ലാ

കോ ഓർഡിനേറ്റർ വിമൽ വിദ്യാർത്ഥികൾക്ക് ട്രോഫി കൈമാറി.