ഉന്നത വിദ്യാഭ്യാസ ധനസഹായം

കോട്ടയം: കേരള കർഷകത്തൊഴിലാളി ക്ഷേമനിധി ബോർഡംഗങ്ങളുടെ കുട്ടികൾക്ക് ഉന്നത വിദ്യാഭ്യാസ ധനസഹായത്തിന് അപേക്ഷിക്കാത്തവർ 28നകം ചീഫ് എക്‌സിക്യൂട്ടീവ് ഓഫീസിൽ അപേക്ഷ സമർപ്പിക്കണം. സർക്കാർ എയ്ഡഡ് വിദ്യാഭ്യാസ സ്ഥാപനങ്ങളിൽ പഠിച്ച ഡിഗ്രി, പോസ്റ്റ് ഗ്രാജുവേഷൻ, പ്രൊഫഷണൽ ഡിഗ്രി, പ്രൊഫഷണൽ പി.ജി, ഐ.ടി.ഐ, ടി.ടി.സി, പോളി ടെക്‌നിക്ക്, ജനറൽ നഴ്‌സിംഗ്, ബി എഡ്, മെഡിക്കൽ ഡിപ്ലോമ, പരീക്ഷയിൽ ഉന്നത വിജയം നേടിയവരുടെ മാതാപിതാക്കൾക്ക് അപേക്ഷിക്കാം. ബോർഡിന്റെ വെബ്‌സൈറ്റായ www.agriworkersfund.orgയിൽ അപേക്ഷാഫോം ലഭ്യമാണ്. 2022 ജനുവരി 01 മുതൽ 2022 ഡിസംബർ 31 വരെ ലഭ്യമായ ഫലങ്ങളാണ് അപേക്ഷയുടെ അടിസ്ഥാനം.