കിടങ്ങൂർ : നിറയെ യാത്രക്കാരുമായി വന്ന ബസ് നിയന്ത്രണം വിട്ട് റോഡിന് സമീപമുള്ള വീട്ടിലേക്ക് ഇടിച്ചുകയറി. കിടങ്ങൂർ- അയർക്കുന്നം റോഡിൽ കല്ലിട്ടുനടയിൽ പോളയ്ക്കൽ ജോമോൻ ജോസഫിന്റ വീട്ടിലേക്കാണ് മൂവാറ്റുപുഴ - കോട്ടയം റൂട്ടിൽ സർവീസ് നടത്തുന്ന ശാലോം ബസ് ഇടിച്ചുകയറിയത്.ഇന്നലെ രാവിലെ ഒമ്പതരയോടെയാണ് അപകടം.എതിരെ വന്ന ടിപ്പർ ലോറിയിൽ ഇടിക്കാതിരിക്കാൻ ബസ് വെട്ടിച്ചപ്പോഴാണ് നിയന്ത്രണം പോയത്. വീട്ടുമുറ്റത്തെ ചെറിയ പ്ലാവിൽ ബസ് ഇടിച്ചു നിന്നതുമൂലം വൻ അപകടം ഒഴിവായി. അപകടത്തിൽ ആർക്കും പരിക്കില്ല.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |