കുടിശ്ശിക ക്ഷാമബത്ത ഉടൻ അനുവദിക്കണം: പി എം എ സലാം.

തിരൂരങ്ങാടി: സർക്കാർ ജീവനക്കാർക്ക് കുടിശ്ശിക ആയിട്ടുള്ള 11 ശതമാനം ക്ഷാമബത്ത അടിയന്തരമായി അനുവദിക്കണമെന്ന് മുസ്ലിം ലീഗ് സംസ്ഥാന ജനറൽ സെക്രട്ടറി അഡ്വ. പി.എം.എ.സലാം ആവശ്യപ്പെട്ടു. ഫെബ്രുവരി 24 ,25 ,26 തീയതികളിൽ തൃശൂരിൽ നടക്കുന്ന സ്റ്റേറ്റ് എംപ്ലോയീസ് യൂണിയൻ (എസ്.ഇ .യു ) 40-ാം സംസ്ഥാന സമ്മേളനത്തിന്റെ ഓൺലൈൻ രജിസ്ട്രേഷൻ ഉദ്ഘാടനം നിർവ്വഹിക്കുകയായിരുന്നു അദ്ദേഹം . എസ് .ഇ .യു സംസ്ഥാന പ്രസിഡന്റ് സിബി മുഹമ്മദ് അദ്ധ്യക്ഷതവഹിച്ചു . സംസ്ഥാന ജനറൽ സെക്രട്ടറി ആമിർ കോഡൂർ, സെക്രട്ടറി ഹമീദ് കുന്നുമ്മൽ , സെക്രട്ടേറിയറ്റ് മെമ്പർമാരായ എൻ.കെ. അഹമ്മദ് , സി. ലക്ഷ്മണൻ , മാട്ടി മുഹമ്മദ്, മലപ്പുറം ജില്ലാ ഭാരവാഹികളായ എ.കെ . ഷെരീഫ് , എം.ടി. ഫൈറൂസ് തുടങ്ങിയവർ പങ്കെടുത്തു.