ഹാഥ് സേ ഹാഥ് പദയാത്ര നാളെ രമേശ് ചെന്നിത്തല ഉദ്ഘാടനം ചെയ്യും

പത്തനംതിട്ട : ജില്ലാ കോൺഗ്രസ് കമ്മിറ്റി നടത്തുന്ന ഹാഥ് സേ ഹാഥ് ജോഡോ അഭിയാൻ പദയാത്ര മൈലപ്രായിൽ നാളെ ആരംഭിക്കും. മുൻ പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്യുന്ന പദയാത്ര ഡി.സി.സി വൈസ് പ്രസിഡന്റ് അഡ്വ.വെട്ടൂർ ജ്യോതിപ്രസാദ്, ജനറൽ സെക്രട്ടറി സാമുവൽ കിഴക്കുപുറം എന്നിവരാണ് നയിക്കുന്നത്. പാർലമെന്റ് തിരഞ്ഞെടുപ്പിന് മുന്നോടിയായി ജില്ലയിൽ നടത്തുന്ന ഏറ്റവും വലിയ ജനസമ്പർക്ക പരിപാടി എല്ലാ ബൂത്ത് കേന്ദ്രങ്ങളിലും എത്തുമെന്നും ഐ.എ.സി.സി, കെ.പി.സി.സി നേതാക്കൾ പദയാത്രയുടെ ഭാഗമാകുമെന്നും ഡി.സി.സി പ്രസിഡന്റ് പ്രൊഫ.സതീഷ് കൊച്ചുപറമ്പിൽ പറഞ്ഞു.