SignIn
Kerala Kaumudi Online
Friday, 20 September 2024 12.25 AM IST

സ്വർണവിലയിൽ കുതിപ്പ്; പവന് 40,​760 രൂപ

Increase Font Size Decrease Font Size Print Page
gold

കൊച്ചി: ആഭരണപ്രേമികൾക്ക് ആശങ്കയുമായി സംസ്ഥാനത്ത് സ്വർണവില പുത്തൻ ഉയരത്തിലേക്ക് കുതിക്കുന്നു. ഇന്നലെ പവന് 400 രൂപ വർദ്ധിച്ച് വില 40,760 രൂപയായി. 50 രൂപ ഉയർന്ന് 5,095 രൂപയാണ് ഗ്രാംവില. 2020 ആഗസ്‌റ്റിൽ കുറിച്ച 42,000 രൂപയാണ് എക്കാലത്തെയും ഉയർന്ന പവൻവില; അന്ന് ഗ്രാമിന് വില 5,​250 രൂപയായിരുന്നു.

ആഗോള സാമ്പത്തികമാന്ദ്യ ഭീതി, നാണയപ്പെരുപ്പ ഭീഷണി എന്നിവമൂലം നിക്ഷേപകർ ഓഹരി, കടപ്പത്രവിപണികളിൽ നിന്ന് പിന്മാറി സുരക്ഷിതനിക്ഷേപമെന്ന നിലയിൽ സ്വർണത്തെ ആശ്രയിക്കുന്നതാണ് വിലക്കയറ്റത്തിന് മുഖ്യകാരണം. രാജ്യാന്തര വിപണിവില ഔൺസിന് 1,​798.43 ഡോളറിൽ നിന്ന് 1,​849.44 ഡോളർ വരെ ഉയർന്നത് ഇന്നലെ ഇന്ത്യയിലെ വിലയിലും കുതിപ്പുണ്ടാക്കി. രൂപയുടെ മൂല്യം ഡോളറിനെതിരെ 82.73ൽ നിന്ന് 82.88ലേക്ക് ഇടിഞ്ഞതും തിരിച്ചടിയായി.

₹1,760

ഡിസംബർ ഒന്നുമുതൽ ഇതുവരെ പവന് കൂടിയത് 1,760 രൂപയാണ്. ഗ്രാമിന് 220 രൂപയും.

പൊന്നിന് എന്ത് നൽകണം?

മൂന്ന് ശതമാനം ജി.എസ്.ടി., കുറഞ്ഞത് 5 ശതമാനം പണിക്കൂലി എന്നിവകൂടി ചേരുമ്പോൾ ഒരു പവൻ സ്വർണാഭരണത്തിന് കുറഞ്ഞത് 43,200 രൂപയെങ്കിലും നൽകണം.

അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ
TAGS: BUSINESS, GOLD, GOLD PRICE
KERALA KAUMUDI EPAPER
Kaumudi Salt & Pepper
TRENDING IN NEWS 360
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.