കല്യാൺ സിൽക്‌സ് ഓണ സമ്മാന വിജയികൾ

കൊച്ചി: കല്യാൺ സിൽക്‌സിന്റെ ഓണക്കോടിക്കൊപ്പം രണ്ട് കോടിയുമെന്ന സമ്മാനപദ്ധതിയുടെ മൂന്നാമത്തെ നറുക്കെടുപ്പ് ഇന്നലെ കോഴിക്കോട് തൊണ്ടയാട് ജംഗ്ഷനിലെ ഷോറൂമിൽ നടന്നു. കല്യാൺ സിൽക്‌സ് എക്‌സിക്യുട്ടീവ് ഡയറക്ടർ മഹേഷ് പട്ടാഭിരാമന്റെ സാന്നിദ്ധ്യത്തിൽ കോഴിക്കോട് നോർത്ത് എം.എൽ.എ തോട്ടത്തിൽ രവീന്ദ്രൻ, ബാലുശ്ശേരി എം.എൽ.എ കെ.എം. സച്ചിൻ ദേവ്, കുന്ദമംഗലം എം.എൽ.എ. പി.ടി.എ. റഹീം എന്നിവർ സംയുക്തമായി നിർവഹിച്ചു. പ്രതിവാര ബമ്പർ സമ്മാനമായ 25 പവൻ സ്വർണത്തിന് വി. ജ്യോതി അർഹയായി. ടി.ബി ഷിമി, പി.എസ് അഷറഫ്, പി.ജെ അശ്വതി എന്നിവർക്ക് പ്രതിവാര സമ്മാനമായ മാരുതി ബലെനോ കാർ ലഭിച്ചു.