കോൺഗ്രസ് ദേശീയ വക്താവ് ബി.ജെ.പിയിൽ

ന്യൂഡൽഹി: കോൺഗ്രസ് ദേശീയ വക്താവും അഹമ്മദാബാദ് ഈസ്റ്റ് സ്ഥാനാർത്ഥിയുമായിരുന്ന രോഹൻ ഗുപ്ത ബി.ജെ.പിയിൽ ചേർന്നു. ലോക്‌സഭ തിരഞ്ഞെടുപ്പിൽ കോൺഗ്രസ് സ്ഥാനാർത്ഥിയായി നിശ്ചയിച്ച രോഹൻ ഗുപ്ത സ്ഥാനാർത്ഥിയാകാനില്ലെന്ന് വ്യക്തമാക്കിയിരുന്നു. മാർച്ച് 22നാണ് കോൺഗ്രസ് വിട്ടത്. ജയറാം രമേശിനെതിരെ രൂക്ഷ വിമർശനമുയർത്തിയായിരുന്നു രാജി. സനാതന ധർമ്മം അപമാനിക്കപ്പെട്ടപ്പോൾ തങ്ങളോട് മിണ്ടാതിരിക്കാൻ ജയറാം രമേശ് ആവശ്യപ്പെട്ടുവെന്നാണ് വിമർശനം.

കോൺഗ്രസ് നേതാവായിരുന്ന ബോക്സർ വിജേന്ദ്ര സിംഗ് നേരത്തെ ബി.ജെ.പിയിൽ അംഗത്വം എടുത്തിരുന്നു. അദ്ദേഹം 2019ലെ ലോക്‌സഭ തിരഞ്ഞെടുപ്പിൽ സ്ഥാനാർത്ഥിയായിരുന്നെങ്കിലും പരാജയപ്പെട്ടു. ഇക്കുറിയും സ്ഥാനാർത്ഥിയായി പരിഗണിച്ചിരുന്നെങ്കിലും അതിനുമുൻപ് ബി.ജെ.പിയിലേക്ക് പോവുകയായിരുന്നു.