ഇന്ത്യക്കാരുടെ സുരക്ഷ ഭരണാധികാരികളുമായി സംസാരിച്ച് മോദി

ന്യൂഡൽഹി: ഗൾഫ് മേഖലയിലെ ഇന്ത്യക്കാരുടെ സുരക്ഷയിൽ ആശങ്ക നിലനിൽക്കെ, അവിടുത്തെ ഭരണാധികാരികളുമായി ഫോണിൽ സംസാരിച്ച് പ്രധാനമന്ത്രി നരേന്ദ്രമോദി. ഇന്നലെ ഒമാൻ സുൽത്താൻ ഹൈതാം ബിൻ താരിഖുമായും കുവൈത്ത് കിരീടാവകാശി ഷെയ്ഖ് സബാ അൽ-ഖാലിദ് അൽ-സബായുമായും സംസാരിച്ചു. ഇന്ത്യക്കാരുടെ സുരക്ഷ പരമപ്രധാനമാണെന്ന് മോദി അറിയിച്ചു. സംഘർഷ സാഹചര്യത്തിൽ ആശങ്ക രേഖപ്പെടുത്തി. നേരത്തേ സൗദി അറേബ്യ, ബഹ്റൈൻ, ജോർദാൻ ഭരണാധികാരികളുമായും മോദി ഫോണിൽ സംസാരിച്ചിരുന്നു.