ടി.സി.യു ചാമ്പ്യൻമാർ

തിരുവനന്തപുരം: തുമ്പ സെൻസേവ്യേഴ്‌സ് മൈതാനത്ത് നടന്ന ഒന്നാമത് ഹസൻ ഷാ അശോക് വർമ്മ ഓൾകേരള ട്വന്റി-20 ക്രിക്കറ്റ് ടൂർണമെന്റിൽ ട്രാവൻകൂർ ക്രിക്കറ്റിംഗ് യൂണിയൻ ചാമ്പ്യൻമാരായി. ഫൈനലിൽ റോവേഴ്സ് തിരുവനന്തപുരത്തിനെ 6 വിക്കറ്റിന് കീഴടക്കിയാണ് ടി.സി.യു ചാമ്പ്യൻമാരായത്. ആദ്യം ബാറ്റ് ചെയ്ത റോവേഴ്സ് 20 ഓവറിൽ 8 വിക്കറ്റ് നഷ്ടത്തിൽ 164 റൺസെടുത്തു. മറുപടിക്കിറങ്ങിയ ടി.സി.യു മൂന്ന് പന്ത് ബാക്കി നിൽക്കെ 4വിക്കറ്റ് നഷ്ടപ്പെടുത്തി വിജയലക്ഷ്യത്തിലെത്തി (170/4). 53 പന്തിൽ 87 റൺസ് നേടിയ പി.എം അൻഫാലാണ് ടി.സി.യുവിന്റെ വിജയശില്പി.