ലോക ടേബിൾ ടെന്നിസ് ചാമ്പ്യൻഷിപ്പ് : ഇന്ത്യ ക്വാർട്ടറിൽ

ന്യൂയോർക്ക്: അമേരിക്ക വേദിയാകുന്ന ലോക ടേബിൾ ടെന്നിസ് ചാമ്പ്യൻ ഷിപ്പിൽ വനിതാ ഡബിൾസിലും മിക്സഡ് ഡബിൾസിലും ഇന്ത്യ ക്വാർട്ടറിൽ കടന്നു. വനിതാ ഡബിൾസിൽ മണികാ ബത്ര - അർച്ചന കാമത്ത് സഖ്യം ക്വാർട്ടറിൽ എത്തി.മിക്സഡ് ഡബിൾസിൽ മണിക ബത്ര ക്വാർട്ടർ ഉറപ്പിച്ചു. സത്തിയാൻ ജ്ഞാന ശേഖരനൊപ്പമാണ് മിക്സഡ് ഡബിൾസിൽ മണികയുടെ ക്വാർട്ടർ പ്രവേശനം.

വനിതാ ഡബിൾസിൽ ഹങ്കറിയുടെ ഡോറ മഡാരസ് - ജോർജീന പോട്ട സഖ്യത്തെ പ്രീ ക്വാർട്ടറിൽ വീഴ്ത്തിയാണ് മണിക്ക - അർച്ചന സഖ്യം ക്വാർട്ടർ ടിക്കറ്റ് ഉറപ്പിച്ചത്. സ്കോർ : 11 - 4, 11-9, 6-11, 11-7 കൊറിയയുടെ കനക് ജാ- വാങ് മാൻ യു സഖ്യത്തെ 15-17, 10-12, 12-10, 11 - 6, 11-7 ന് കീഴടക്കിയാണ് മിക്സഡ് ഡബിൾസിൽ മണികയും ജ്ഞാന ശേഖരനും പ്രീ ക്വാർട്ടർ കടന്നത്.

ക്വാർട്ടറിൽ ജയിച്ചാൽ മെഡലുറപ്പിക്കാം.