ഇന്ത്യൻ ഗ്രാൻപ്രീ രണ്ടാം പാദം ഇന്ന് തിരുവനന്തപുരത്ത്

തിരുവനന്തപുരം : ഇന്ത്യൻ ഗ്രാൻപ്രീ അത്‌ലറ്റിക്സിന്റെ രണ്ടാം പാദ മത്സരങ്ങൾ ഇന്ന് തിരുവനന്തപുരം ചന്ദ്രശേഖരൻ നായർ സ്റ്റേഡിയത്തിൽ നടക്കും. കഴിഞ്ഞയാഴ്ച ആദ്യ പാദ മത്സരങ്ങളും ഇതേവേദിയിലാണ് നടന്നത്.വൈകി​ട്ട് 3.40നാണ് മത്സരങ്ങൾ തുടങ്ങുന്നത്.100,400,800 മീറ്ററുകൾ,400 മീറ്റർ ഹർഡിൽസ്,3000 മീറ്റർ സ്റ്റീപ്പിൾചേസ്,ട്രിപ്പിൾജമ്പ്,ഷോട്ട്പുട്ട്,ഡിസ്കസ് ത്രോ ഇനങ്ങളിൽ ദേശീയ താരങ്ങൾ മാറ്റുരയ്ക്കാനിറങ്ങും. എ.എഫ്.ഐ യൂട്യൂബ് ചാനലിൽ മത്സരങ്ങൾ ലൈവായി കാണാം.