കേരളം പൊരുതി വീണു

കൊൽക്കത്ത : സയ്യദ്മുഷ്താഖ് അലി ട്രോഫി ട്വന്റി-20 ടൂർണമെന്റിന്റെ പ്രീക്വാർട്ടറിൽ സൗരാഷ്ട്രയ്ക്കെതിരെ വാശിയേറിയ പോരാട്ടത്തിനൊടുവിൽ കേരളം 9 റൺസിന്റെ തോൽവി വഴങ്ങി. ആദ്യം ബാറ്ര് ചെയ്ത സൗരാഷ്ട്ര 20 ഓവറിൽ 6 വിക്കറ്റ് നഷ്ടത്തിൽ 183 റൺസെടുത്തു. മറുപടിക്കിറങ്ങിയ കേരളത്തിന് 4 വിക്കറ്റ് നഷ്ടത്തിൽ 174 റൺസെടുക്കാനെ കഴിഞ്ഞുള്ളൂ. കേരളത്തിനായി ക്യാപ്ടൻ സഞ്ജു സാംസണും (38 പന്തിൽ 59)​,​ സച്ചിൻ ബേബിയും (പുറത്താകാതെ 47 പന്തിൽ 64)​ അർദ്ധ സെഞ്ച്വറി നേടി മികച്ച പ്രകടനം കാഴ്ചവച്ചു. ഇരുവരും 98 റൺസിന്റെ കൂട്ടുകെട്ടുണ്ടാക്കി. പ്രേരക് മങ്കാദ് രണ്ട് വിക്കറ്ര് വീഴ്ത്തി. നേരത്തേ അർദ്ധ സെഞ്ച്വറി നേടിയ ഷെൽഡൺ ജാക്സണാണ് (44 പന്തിൽ 64)​ സൗരാഷ്ട്രയെ മികച്ച സ്കോറിൽ എത്തിച്ചത്. കേരളത്തിനായി ആസിഫ് മൂന്ന് വിക്കറ്റ് വീഴ്ത്തി.