ഡൽഹിയിലേക്ക്‌ പുറപ്പെട്ട എയർ ഇന്ത്യ വിമാനത്തിൽ ബോംബ് ഭീഷണി; തായ്‌ലൻഡിൽ എമർജൻസി ലാൻഡിംഗ്

ന്യൂഡൽഹി: എയർ ഇന്ത്യ വിമാനത്തിൽ ബോംബ് ഭീഷണി. തായ്‌ലൻഡിലെ ഫുക്കറ്റിൽ നിന്ന് ഡൽഹിയിലേക്ക് പുറപ്പെട്ട എയർ ഇന്ത്യ വിമാനത്തിലാണ് ബോംബ് ഭീഷണിയുണ്ടായത്. പിന്നാലെ വിമാനം അടിയന്തര ലാൻഡിംഗ് നടത്തി.

AI 379 എന്ന വിമാനത്തിനാണ് ബോംബ് ഭീഷണിയുണ്ടായത്. വെള്ളിയാഴ്ച രാവിലെ 9:30 ന് ഫുക്കറ്റ് വിമാനത്താവളത്തിൽ നിന്ന് ഡൽഹിയിലേക്ക് പറന്നുയർന്നതായിരുന്നു. ആകാശത്ത് പല തവണ വട്ടമിട്ട് പറന്നശേഷമാണ് അടിയന്തര ലാൻഡിംഗ് നടത്തിയത്.

വിമാനത്തിൽ 156 യാത്രക്കാരുണ്ടായിരുന്നു.വിമാനത്തിൽ വിശദമായ പരിശോധന നടത്തിവരികയാണ്. സംഭവത്തിൽ എയർ ഇന്ത്യ പ്രതികരിച്ചിട്ടില്ല. സംഭവത്തിന്റെ കൂടുതൽ വിവരങ്ങൾ പുറത്തുവന്നിട്ടില്ല.