പാരിസ്: ജലാതിർത്തി ലംഘിച്ചെത്തിയ ലൈസൻസില്ലാത്ത ബ്രിട്ടീഷ് മത്സ്യബന്ധന ബോട്ട് ഫ്രാൻസ് പിടിച്ചെടുത്തു. അതിർത്തി ലംഘിച്ച മറ്റൊരു ബോട്ടിന് പിഴയും ചുമത്തിയിട്ടുണ്ട്. ബ്രക്സിറ്റ് നടപ്പിലായതിന് ശേഷം യൂറോപ്യൻ യൂണിയനും ബ്രിട്ടനും തമ്മിൽ ജലാതിർത്തി സംബന്ധമായ തർക്കങ്ങൾ കൂടുതൽ രൂക്ഷമായിരിക്കുകയാണ്. വടക്കൻ മേഖലയിലെ ലെ ഹാവ്റെയിൽ കഴിഞ്ഞദിവസം അർദ്ധരാത്രി പട്രോളിംഗിനിടെ ബോട്ടുകൾക്ക് മുന്നറിയിപ്പ് നൽകിയിരുന്നതായി ഫ്രഞ്ച് നാവിക വിഭാഗം അറിയിച്ചു. പിടിച്ചെടുത്ത ബോട്ട് ഇപ്പോൾ ഫ്രഞ്ച് ജുഡിഷ്യൽ വിഭാഗത്തിന്റെ നിയന്ത്രണത്തിലാണ്. ഫ്രഞ്ച് ജലാതിർത്തിയിൽ മത്സ്യബന്ധനം നടത്താൻ ബോട്ടിന് ലൈസൻസുണ്ടായിരുന്നില്ലെന്നും അധികൃതർ പറഞ്ഞു. നടപടി നിരാശാജനകമാണെന്ന് ബ്രിട്ടീഷ് ആഭ്യന്തര സെക്രട്ടറി പ്രീതി പട്ടേൽ പ്രതികരിച്ചു. പ്രശ്നം പരിഹരിക്കാനുള്ള ശ്രമത്തിലാണ് ബ്രിട്ടൻ.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |