കോലഞ്ചേരി: പ്രശസ്ത സുവിശേഷകനും ടി.വി പ്രഭാഷകനും ക്രിസ്ത്യൻ റിവൈവൽ ഫെല്ലോഷിപ്പ് സ്ഥാപകപ്രസിഡന്റും കോലഞ്ചേരി സെന്റ്പീ​റ്റേഴ്‌സ്‌ കോളേജ് മുൻ പ്രിൻസിപ്പലുമായ പ്രൊഫ. എം.വൈ. യോഹന്നാൻ (85) നിര്യാതനായി. വിദേശത്തുൾപ്പെടെ അനുയായികളുണ്ട്. നൂറിലധികം സുവിശേഷ ഗ്രന്ഥങ്ങളുടെ രചയിതാവാണ്.

ഭാര്യ: കടയിരുപ്പ് നെച്ചുപ്പാടം കുടുംബാംഗവും റിട്ട. അദ്ധ്യാപികയുമായ ആലീസ്. മക്കൾ: ഡോ. ഐസക്‌ ജോൺ (എം.ഡി, റാഫാ ഡയഗ്നോസ്​റ്റിക്‌സ്), ജോസഫ്‌ ജോൺ (മുൻ എം.ഡി കേഡർ, സ്റ്റാൻഡേർഡ് ചാർട്ടേർഡ് ബാങ്ക്), മേരി ബേബി മേലേത്ത്, തോമസ്‌ ജോൺ (എം.ഡി., അഗാപ്പെ ഡയഗ്നോസ്​റ്റിക്‌സ്). മരുമക്കൾ: ബീന ഐസക് (ചിറയിൽ, പള്ളം, കോട്ടയം), സംഗീത ജോസഫ് (കു​റ്റിപ്പുഴ, മാറാടി), ഡോ. ബേബി എബ്രഹാം (ഡയറക്ടർ, എലിംസ്‌ കോളേജ് ഒഫ് മാനേജ്‌മെന്റ്, തൃശൂർ), മീന തോമസ് (ചാന്ത്യം, കോലഞ്ചേരി).

മൃതദേഹം ഇന്ന് വൈകിട്ട്‌ 6ന് വീട്ടിൽ പൊതുദർശനത്തിന് വയ്ക്കും. സംസ്‌കാരം ചൊവ്വാഴ്ച വൈകിട്ട് വലമ്പൂർ സെന്റ്‌ മേരീസ്‌ ഓർത്തഡോക്സ് വലിയ പള്ളി സെമിത്തേരിയിൽ.