ആറന്മുള ശ്രീ പാർത്ഥസാരഥി ക്ഷേത്രത്തിലെ വള്ളസദ്യ വിഭവങ്ങൾ.

സൂക്ഷിച്ച് സാ‌ർ,കൈയ്യിൽ പിടിച്ചോളൂ....പത്തനംതിട്ട ഗവ.നഴ്സിംഗ് കോളേജിന് കൗൺസിൽ അംഗീകാരം നൽകാൻ അടിയന്തര നടപടി സ്വീകരിക്കണമെന്നാവശ്യപ്പെട്ട് വിദ്യാർത്ഥികളുടെ രക്ഷിതാക്കളും കെ.എസ്.യു പ്രവർത്തകരും സംയുക്തമായി കോളേജിലേക്ക് നടത്തിയ പ്രതിഷേധ സമരത്തെ തടയാൻ പൊലീസ് ബാരിക്കേഡ് സ്ഥാപിച്ച ശേഷം കോളേജിന്റെ സംരക്ഷണ കവചം മറികടക്കുന്ന വനിതാ പൊലീസിനെ സഹായിക്കാനായി കൈനീട്ടുന്ന സഹപ്രവർത്തക.

മഴ വൈബ്... മഴയെ തുടർന്ന് നിറഞ്ഞെഴുകുന്ന അതിരപ്പിള്ളി ചാർപ്പ വെള്ളച്ചാട്ടം ആസ്വദിക്കുന്നവർ.

ഉന്നത വിദ്യാഭ്യാസ സ്ഥാപനങ്ങളെ കാവി വൽക്കരിക്കുന്ന ഗവർണറുടെ നടപടിയിൽ പ്രതിഷേധിച്ച് തൃശൂർ എജീസ് ഓഫീസിലേക്ക് എസ് എഫ് ഐ നടത്തിയ മാർച്ചിൽ നിന്നും

മൺസൂൺ ആമ്പൽ ഫെസ്റ്റ്... കോട്ടയം തിരുവാർപ്പ് പഞ്ചായത്തിലെ മലരിക്കൽ തിരുവായ്ക്കരി പാടശേഖരത്ത് മഴയത്ത് വള്ളത്തിൽ പോയി ആമ്പൽ വസന്തം ആസ്വദിക്കുന്നവർ.

റോഡ് സർവീസ്..... ചാക്ക് കെട്ട് റോഡിൽ കൂടി വലിച്ച് സ്കൂട്റിൽ യാത്ര ചെയ്യുന്നവർ. കോട്ടയം നഗരത്തിൽ നിന്നുള്ള കാഴ്ച

ബിജെപി മാർച്ച്... മന്ത്രി വീണാ ജോർജ് രാജിവയ്ക്കണമെന്നാവശ്യപ്പെട്ട് കോട്ടയം ബിജെപി വെസ്റ്റ് ജില്ലാ കമ്മറ്റിയുടെ നേതൃത്വത്തിൽ മെഡിക്കൽ കോളേജിലേക്ക് നടത്തിയ പ്രതിക്ഷേധമാർച്ചിൽ പോലീസ് ജലപീരങ്കി പ്രയോഗിച്ചപ്പോൾ.

എറണാകുളം നാവികത്താവളത്തിൽ നിന്ന് പറന്നുയരുന്ന വിമാനം. വാത്തുരുത്തിയിൽ നിന്നുള്ള കാഴ്ച.

തെരുവ് നായ ശല്യം വർദ്ധിക്കുന്ന പശ്ചാത്തലത്തിൽ യാതൊരുവിധ നടപടികളും അധികാരികൾ സ്വീകരിക്കാത്തതിൽ പ്രതിഷേധങ്ങൾ ഉയരുമ്പോൾ നഗരത്തിലെ പ്രധാന ടൂറിസ്റ്റ് കേന്ദ്രങ്ങളിലൊന്നായ വേളിയിൽ തെരുവുനായകൾ തമ്മിൽ കടിപിടി കൂടുന്ന കാഴ്ച .തിരുവനന്തപുരം ജനറൽ ആശുപത്രിയിൽ മാത്രം കഴിഞ്ഞ വർഷം ആയിരത്തിനാന്നൂറോളം പേർക്ക് കടിയേറ്റത് തെരുവു നായ്ക്കളിൽ നിന്നാണെന്നും സംസ്ഥാനത്ത് ഏറ്റവും കൂടുതൽ തെരുവ് നായ ആക്രമണങ്ങൾ നടക്കുന്നത് തലസ്ഥാനത്ത് ആളാണെന്നുമുള്ള വിവരാവകാശ രേഖ വാർത്തയായിരുന്നു.

തെരുവ് നായ... തെരുവ് നായ ശല്യം വർദ്ധിക്കുന്ന പശ്ചാത്തലത്തിൽ യാതൊരുവിധ നടപടികളും അധികാരികൾ സ്വീകരിക്കാത്തതിൽ പ്രതിഷേധങ്ങൾ ഉയരുമ്പോൾ നഗരത്തിലെ പ്രധാന ടൂറിസ്റ്റ് കേന്ദ്രങ്ങളിലൊന്നായ വേളിയിൽ തെരുവുനായകൾ തമ്മിൽ കടിപിടി കൂടുന്ന കാഴ്ച.

ആരോഗ്യവകുപ്പ് മന്ത്രി വീണാ ജോർജ്ജ് രാജിവയ്ക്കണമെന്നാവശ്യപ്പെട്ട് ഡി.സി.സി യുടെ നേതൃത്വത്തിൽ മന്ത്രിയുടെ ജില്ലാ ഓഫീസിലേക്ക് നടത്തിയ പ്രതിഷേധ മാർച്ച് തടഞ്ഞ് പ്രവത്തകരെ അറസ്റ്റ് ചെയ്യിത് നീക്കുന്ന പൊലീസ്.

ആരോഗ്യവകുപ്പ് മന്ത്രി വീണാ ജോർജ്ജ് രാജിവയ്ക്കണമെന്നാവശ്യപ്പെട്ട് പത്തനംതിട്ട മൈലപ്രയിലെ വീട്ടിലേക്ക് യൂത്ത് കോൺഗ്രസ് പ്രവർത്തകർ നടത്തിയ ശവപ്പെട്ടി മാർച്ച് തടയാനായി പൊലീസ് സ്ഥാപിച്ച ബാരിക്കേഡുകൾക്ക് മുകളിൽ പ്രവർത്തകർ പെട്ടിയുമായി കയറിയപ്പോൾ.

ക്യാ മഴ...മഴ നനഞ്ഞു കൊണ്ട് ലോറിയിൽ കുട ചൂടി കെട്ടിട നിർമ്മാണ ജോലികൾക്കായി പോകുന്ന തൊഴിലാളികൾ. തൃശൂർ നഗരത്തിൽ നിന്നുമുള്ള ചിത്രം.

എന്തുണ്ട് രാജൂ... പത്തനംതിട്ട റസ്റ്റ് ഹൗസിൽ മുൻ പ്രതിപക്ഷ നേതാവ് രമേശ് ചെന്നിത്തല പ്രസ് മീറ്റിന് ശേഷം അവിടെയുണ്ടായിരുന്ന സി.പി.എം ജില്ലാ സെക്രട്ടറി രാജു ഏബ്രഹാമുമായി കുശലം പറയുന്നു

എന്താ സാറെ ട്രാസ്ഫോർമർ ഉയർത്തി വയ്ക്കാൻ ബാരിക്കേ‌‌‌ഡ് വച്ച് റോഡ് തടഞ്ഞിരിക്കുന്നത്........ആരോഗ്യവകുപ്പ് മന്ത്രി വീണാ ജോർജ്ജ് രാജിവയ്ക്കണമെന്നാവിശപ്പെട്ട് യൂത്ത് കോൺഗ്രസ് പ്രവർത്തകർ വീണാ ജോർജ്ജിന്റെ ഓഫീസിലേക്ക് മാർച്ച് നടത്തുമെന്ന് അറിയിച്ചതിനെ തുടർന്ന് പൊലീസ് ബാരിക്കേഡുകൾ ഉപയോഗിച്ച് റോഡ് തടഞ്ഞപ്പോൾ ഇത് അറിയാതെത്തിയ സ്കൂട്ടർ യാത്രക്കാരൻ ട്രാസ്ഫോർമർ സ്ഥാപിക്കുന്ന കെ.എസ്.ഇ.ബി ഉദ്യോഗസ്ഥരോട് കാര്യം ആരായുന്നു.

ആരോഗ്യവകുപ്പ് മന്ത്രി വീണാ ജോർജ്ജ് രാജിവയ്ക്കണമെന്നാവിശപ്പെട്ട് യൂത്ത് കോൺഗ്രസ് പ്രവർത്തകർ വീണാ ജോർജ്ജിന്റെ ഓഫീസിലേക്ക് നടത്തിയ മാർച്ചിൽ പ്രവർത്തകരെ അറസ്റ്റ് ചെയ്യിത് നീക്കുന്ന പൊലീസ്.

മഴ കുറഞ്ഞപ്പോൾ വള്ളത്തിൽ നിന്ന് വലവീശുന്ന മത്സ്യതൊഴിലാളി. കുമ്പളം പാലത്തിൽ നിന്നുള്ള കാഴ്ച.

ഞാൻ കാവലുണ്ട്... തണൽപ്പറ്റി മരച്ചുവട്ടിൽ കിടന്നുറങ്ങുന്ന നായക്ക് കൂട്ടായി ചേർന്നിരിക്കുന്ന പൂച്ച. ഫോർട്ട് കൊച്ചി ബീച്ചിൽ നിന്നുള്ള കാഴ്ച്ച.

കടുത്ത വെയിലിനെ വകവയ്ക്കാതെ ബഹുനില കെട്ടിടത്തിൽ തൂങ്ങിക്കിടന്ന് പെയിന്റ് അടിക്കുന്ന തൊഴിലാളി. തിരുവനന്തപുരം വഴുതക്കാട് നിന്നുള്ള കാഴ്ച

ഫോർട്ട് കൊച്ചി ബീച്ച് സന്ദർശിക്കാനെത്തിയ യുവാവ് പ്രാവുകൾ പറന്നുയരുന്നത് മൊബൈലിൽ ചിത്രികരിക്കുന്ന കാഴ്ച്ച.