കുരുക്കല്ലെ...കോട്ടയം മാങ്ങാനും മന്ദിരം ആശുപത്രിയിൽ ആരംഭിക്കുന്ന ഉമ്മൻചാണ്ടി മെമ്മോറിയൽ ഡയാലിസിസ് സെന്ററിന്റെ ഉദ്ഘാടനം ചെയ്യുവാൻ എത്തിയ ഗവർണർ രാജേന്ദ്ര വിശ്വനാഥ് ആർലേക്കറിന് ബാഡ്ജ് അണിയിച്ചു നൽകുന്ന സുരക്ഷാ ഉദ്യോഗസ്ഥർ.

കള കളഞ്ഞ്... വിരിപ്പ് കൃഷിയിറക്കിയ പാടത്ത് കള പറിക്കുന്ന തൊഴിലാളി സ്ത്രീകൾ.മേടമാസത്തിൽ ആരംഭിക്കുന്ന വിരിപ്പ് കൃഷി ചിങ്ങം കന്നിയിൽ കൊയ്യും.കുമരകം തൊള്ളായിരം വരമ്പിനകം പാടശേഖരത്ത് നിന്നുള്ള കാഴ്ച.

പ്രതീക്ഷയുടെ കതിർ ... വിരിപ്പ് കൃഷിയിറക്കിയ പാടത്ത് ഇടതിങ്ങിയ ഞാറ് പറിച്ചുനട്ട് മടങ്ങുന്ന തൊഴിലാളി സ്ത്രീകൾ. കുമരകം തൊള്ളായിരം വരമ്പിനകം പാടശേഖരത്ത് നിന്നുള്ള കാഴ്ച

ഇടതുകൈയുള്ളവർക്കായുള്ള അന്താരാഷ്ട്ര ദിനമാണ് ഇന്ന്. പത്തനംതിട്ട കളക്ടറേറ്റ് മതിലിൽ പടയണിയിലെ ഭൈരവിക്കോലത്തിന്റെ ചിത്രം വരയ്ക്കുന്ന പത്തനംതിട്ട കാതോലിക്കേറ്റ് കോളേജിലെ പൂർവവിദ്യാർത്ഥികൾ. ഇതിൽ കൊല്ലം സ്വദേശിയായ റംസി ഫാത്തിമ ചിത്രം വരയ്ക്കുന്നത് ഇടതുകൈകൊണ്ടാണ്.

സ്വാതന്ത്ര്യദിന പരേഡിന് മുന്നോടിയായി കോട്ടയം പൊലീസ് പരേഡ് ഗ്രൗണ്ടിൽ ആരംഭിച്ച റിഹേഴ്സൽ പരേഡിൽ പങ്കെടുക്കുന്ന ബാൻഡ് ടീമിന്റെ നിഴൽ മഴപെയ്ത് കെട്ടികിടന്ന വെള്ളത്തിൽ പ്രതിഫലിച്ചപ്പോൾ

തമിഴ്നാട് രാമേശ്വരം ധനുഷ്ക്കോടി വ്യൂ പോയിന്റിൽ സെൽഫിയെടുക്കുന്ന വിദേശ വനിത.

കേരള എൻ.ജി.ഒ സംഘ് നാല്പത്തി ആറാം സംസ്ഥാന സമ്മേളനത്തിനെത്തിയ മഹാരാഷ്ട്ര ഗവർണർ സി.പി.രാധാകൃഷ്ണൻ, മിസോറാം മുൻ ഗവർണർ കുമ്മനം രാജശേഖരനുമായി സൗഹൃദ സംഭാഷണത്തിലേർപ്പെട്ടപ്പോൾ. ബി.ജെ.പി മുൻ സംസ്ഥാന പ്രസിഡന്റ് കെ.രാമൻ പിള്ള സമീപം.

ദീപ്തി സ്പെഷ്യൽ സ്കൂളിന്റെ നേതൃത്വത്തിൽ കൊടുമൺ ഇ.എം.എസ് സ്റ്റേഡിയത്തിൽ നടന്ന എ-സോൺ സ്പെഷ്യൽ സ്കൂൾ അത് ലറ്റിക് മീറ്റിൽ സെറിബ്രൽ പാള്സി ബാധിച്ച കുട്ടികളൾക്കായുള്ള ക്ളബ് ത്രോ മത്സരത്തിനിടെ അദ്ധ്യാപകയ്ക്കരികിൽ അടൂർ ദീപ്തി സ്പെഷ്യൽ സ്കൂളിലെ അഭികൃഷ്ണൻ.

വൈക്കത്ത് നടക്കുന്ന സിപിഐ കോട്ടയം ജില്ലാ സമ്മേളനത്തിനോടനുബന്ധിച്ച് നടന്ന പൊതു സമ്മേളനത്തിനിടയിൽ മൈക്ക് പ്രശ്നമായപ്പോൾ സംസ്ഥാന സെക്രട്ടറി ബിനോയ് വിശ്വം അടുപ്പിച്ച് വയ്ക്കാൻ പറയുന്നു

കണ്ണിന് പരിക്കേറ്റ ചുരുളികൊമ്പൻ (പി.ടി. 5) എന്നപേരിൽ അറിയപ്പെടുന്ന കാട്ടാനയെ മയക്കുവെടിവച്ച് പിടിക്കൂടിയ ശേഷം കുങ്കിയാനകളുടെ സഹയത്തോടെ മെഡിക്കൽ സംഘം ചിക്കിത്സ നൽക്കുന്നു.ന്നപേരിൽ അറിയപ്പെടുന്ന കാട്ടാനയെ മയക്കുവെടിവെച്ച് പിടിക്കൂടിയ ശേഷം കുങ്കിയാനകളുടെ സഹയത്തോടെ മലമ്പുഴ മാന്തുരത്തിയിൽ വനം വകുപ്പ് ചീഫ് വെറ്ററിനറി സർജൻ ഡോ: അരുൺ സക്കറിയുടെ നേതൃത്വത്തിലുള്ള മെഡിക്കൽ സംഘം ചിക്കിത്സ നൽക്കുന്നു.

വാളയാർ വനമേഖലയിൽ കാട്ടാനകൾ ഉൾപ്പെടെ വന്യമൃഗങ്ങൾ റെയിൽവേ ട്രാക്കുകളിൽ ക്രോസ് ചെയ്ത് ഉണ്ടാവുന്ന അപകടങ്ങൾ ഒഴിവാക്കാനായി റെയിൽവേയുടെ നേതൃത്വത്തിൽ വയനാട്ടിൽ നിന്ന് എത്തിച്ച കുങ്കിയാനയെ ഉപയോഗിച്ച് നിരിക്ഷിക്കുന്നു ആനകൾ ട്രാക്കിന് സമീപം എത്തിയാൽ ആ സന്ദശം ബന്ധപ്പെട്ട കേന്ദ്രങ്ങളിൽ എത്തു ട്രാക്കിലെ അപകടങ്ങൾ ഒഴിവാക്കാനായി ആണ് ഈ പരീക്ഷണം.

എറണാകുളം ജില്ലയുടെ പുതിയ കളക്ടറായിചുമതലയേറ്റ ജി. പ്രിയങ്കയെ പൊതുവിദ്യാഭ്യാസ വകുപ്പ് ഡയറക്ടറായി പോകുന്ന എൻ.എസ്.കെ. ഉമേഷ്‌ സ്വീകരിക്കുന്നു,

പുതുജീവൻ........ പത്തനംതിട്ട മേലേവെട്ടിപ്പുറത്തെ തണൽ വൃക്ഷങ്ങളിൽ പലതരത്തിൽപ്പെട്ട കൊക്കുകളുണ്ട്. മരത്തിൽ നിന്ന് റോഡിലേക്ക് വീണ കൊക്കിന്റെ കുഞ്ഞിന് സമീപവാസികളായ കച്ചവടക്കാർ വെള്ളം കൊടുക്കുന്നു.

സൗഹൃദക്കൈകോർത്ത്...ഇന്നലെ പെയ്ത മഴയിൽ നഗരത്തിലെത്തിയ യുവതികൾ പരസ്പരം കൈകോർത്ത് വാഹനത്തിരക്കേറിയ റോഡിൽ സീബ്രാലൈൻ മുറിച്ചുകടക്കാനുള്ള ശ്രമത്തിൽ. കോട്ടയം നാഗമ്പടത്ത് നിന്നുള്ള കാഴ്ച.

രാജ്യം സ്വാതന്ത്ര്യദിനം ആഘോഷിക്കാൻ തയ്യാറെടുക്കുമ്പോൾ സിഗ്നൽ കാത്തു കിടക്കുന്ന വാഹനങ്ങളിൽ ഇന്ത്യൻ പതാക വിൽക്കുന്ന നാടോടി യുവതി. വൈറ്റിലയിൽ നിന്നുള്ള കാഴ്ച്ച.

മരച്ചില്ലകൾ ചുവന്നു കുട്ടകൾ നിറയുന്നു.......റംബൂട്ടാന്റെ വിളവുകാലമാണ് മരങ്ങളെല്ലാം വലയിട്ട് മൂടിയിരിക്കുകയാണ് അണ്ണാനും വാവലുമൊന്നും കൊണ്ടുപോകാതെ, പഴങ്ങൾക്ക് ആവിശക്കാർ കൂടുകയാണ്. പാകമായ പഴങ്ങൾ പറിക്കുന്ന അന്യസംസ്ഥാന തൊഴിലാളികൾ.പത്തനംതിട്ട പൂങ്കാവിൽ നിന്നുള്ള കാഴ്ച.

ആക്രിക്കെടുക്കുമോ... വർഷങ്ങളായി പണി മുടങ്ങിക്കിടന്ന് തൂണുകൾ തുരുമ്പെടുത്ത് തുടങ്ങിയ കോട്ടയം നഗരത്തിലെ ആകാശപാതയ്ക്ക് കീഴിലൂടെ ബൈക്ക് ഉൾപ്പെടെയുള്ള സാധനസാമഗ്രികൾ മിനി ലോറിയിൽ കൊണ്ടുപോകുന്ന കാഴ്ച

ചിരിതുള്ളി മാർച്ച്... കേരളാ സ്കൂൾ ടീച്ചേർസ് അസോസിയേഷന്റെ നേതൃത്വത്തിൽ കോട്ടയത്ത് നടത്തിയ അദ്ധ്യാപക മാർച്ചിൽ മഴയെ അവഗണിച്ചും പങ്കെടുക്കുന്ന പ്രവർത്തകർ.

ഒരുചാൺ വയറിനായി സുരക്ഷയും സുരക്ഷിതവുമല്ലാത്ത ജോലി....സുരക്ഷാമാനദണ്ഡങ്ങളോന്നും തന്നുംതന്നെ പാലിക്കാതെ ബഹുനിലക്കെട്ടിടത്തിൽ ജോലിയിലേർപ്പെട്ടിരിക്കുന്ന തൊഴിലാളികൾ പത്തനംതിട്ട സെന്റ് പീറ്റേഴ്സ് ജംഗ്ഷനിൽ നിന്നുള്ള കാഴ്ച

മഴക്ക് ഇടവേളയിട്ട് വെയിൽ തെളിഞ്ഞിട്ടും വെള്ളക്കെട്ടൊഴിയാതെ കുട്ടനാട്ടിലെ താഴ്ന്ന പ്രദേശങ്ങൾ. വീട്ടിലേക്കുള്ള നിത്യോപയോഗ സാധനങ്ങളുമായി വെള്ളക്കെട്ടിലായ പ്രദേശത്തെ റോഡിലൂടെ നടന്നു നീങ്ങുന്ന ആൾ. സ്വന്തമായി വള്ളമുള്ള കുടുംബങ്ങൾ റോഡിലൂടെ സഞ്ചരിക്കുവാനായി സമീപത്തെ വൈദ്യുതി പോസ്റ്റിൽ വള്ളങ്ങൾ കെട്ടിയിട്ടിരിക്കുന്നതും കാണാം. ആലപ്പുഴ മങ്കൊമ്പ് നിന്നുള്ള കാഴ്ച.