പണി പൂർത്തിയാകാതെ കിടക്കുന്ന കോട്ടയം നഗരത്തിലെ ആകാശപാതയുടെ നിഴൽ റോഡിൽ പതിഞ്ഞപ്പോൾ

പെട്ടന്ന് പെയ്ത മഴയിൽ നനഞ്ഞ് കടത്ത് വള്ളത്തിലേറി അപ്പുറം പോകുന്ന യാത്രക്കാർ. അമ്പൂരി പുരളിമലയിൽ നിന്നുള്ള കാഴ്ച

ബ്ലൈൻഡ് സ്പോട്ട്... വലിയ വാഹനങ്ങൾക്ക് സമീപത്തുകൂടി റോഡ് മുറിച്ച് കടക്കുന്നത് വളരെ ശ്രദ്ധയോടെ വേണം. ഡ്രൈവറുടെ ബ്ലൈൻഡ് സ്‌പോട്ടിലൂടെ റോഡ് മുറിച്ച് കടക്കുന്നത് വളരെ അപകടകരമാണ്. സ്റ്റാച്യുവിലെ സിഗ്നലിൽ നിർത്തിയിട്ടിരിക്കുന്ന കെ.എസ്.ആർ.ടി.സി ബസ്സിന് മുന്നിലൂടെ കുട്ടിയുമായി റോഡ് മുറിച്ചുകടക്കുന്ന അമ്മ

ഇര തേടി.... ആലപ്പുഴ കുട്ടനാട്ടിലെ പാടശേഖരത് കൃഷിക്കായി നിലം ഒരുക്കുമ്പോൾ ഇരതേടി എത്തിയ കൊക്കുകൾ.

തല കാക്കാൻ... ഹെൽമറ്റ് മാത്രം ധരിച്ച് അപകടകരമായ രീതിയിൽ പോസ്റ്റിന് മുകളിൽ കയറി ജോലിയിൽ ഏർപ്പെട്ടിരിക്കുന്ന യുവാവ്. കോഴിക്കോട് പുതിയറ ജംഗ്ഷന് സമീപത്ത്‌ നിന്നുള്ള കാഴ്ച.

അഗ്നിക്കിരയായ കണ്ണൂർ-ആലപ്പുഴ എക്സിക്യൂട്ടീവ് എക്സ്പ്രസ്സിലെ പതിനേഴാം നമ്പർ കോച്ച്

കോട്ടയത്ത് പെയ്ത മഴയിൽ കുഞ്ഞുങ്ങളെ മുറുകെപ്പിടിച്ച് നനഞ്ഞ് വരുന്ന അമ്മ. നാഗമ്പടം ബസ് സ്റ്റാൻഡിൽ നിന്നുള്ള കാഴ്ച.

കണ്ണൂർ തളാപ്പ് ഈസ്റ്റ് അങ്കണവാടിയിൽ നടന്ന പ്രവേശനോത്സവത്തിൽ നിന്ന്

അവധിക്കാലമീ ആനന്ദകരം... സ്കൂൾ തുറക്കാൻ ദിവസങ്ങൾ മാത്രം ബാക്കി നിൽക്കേ അച്ഛനും അമ്മയ്ക്കും ഒപ്പം കുട്ട വഞ്ചിയിൽ യാത്ര ചെയ്ത് ആസ്വദിക്കുന്ന കുട്ടികൾ .തൃശൂർ പുള്ള് പാടത്തു നിന്നുമുള്ള ചിത്രം.

ഇന്നലെ വൈകിട്ട് പെയ്ത മഴയത്ത് മത്സ്യബന്ധനത്തിനായി ബോട്ടിൽ പുറപ്പെടുന്ന മത്സ്യ തൊഴിലാളികൾ. കണ്ണൂർ ആയിക്കരയിൽ നിന്നുള്ള ദൃശ്യം

കോഴിക്കോട് ബീച്ചിൽ ആൾ തിരക്കിനിടയിൽ കിടക്കുന്ന തെരുവ് നായ കൂട്ടങ്ങൾ. പിഞ്ചുകുഞ്ഞുങ്ങളടക്കം നിരവധി പേരെത്തുന്ന ബീച്ച് ചിലപ്പോഴൊക്കെ തെരുവ് നായകളുടെ വിഹാരകേന്ദ്രമാണ്.

വോട് ചെയ്യാറായില്ല.... വണ്ടാനം മെഡിക്കൽ കോളേജിന് സമീപം കണ്ട കുട്ടിക്കുരങ്ങൻ.

റോഡരുകിൽ പൂത്ത് നിൽക്കുന്ന ഗുൽമോഹർ. കർണ്ണാടകയിലെ ബാഗേപ്പള്ളിയിൽ നിന്നുള്ള കാഴ്ച

പിണറായി സർക്കാരിൻ്റെ കമ്മ്യൂണിസ്റ്റ് ഭരണകൂട ഭീകരതക്കെതിരെ മഹിളാ മോർച്ച പ്രവർത്തകർ നടത്തിയ സെക്രട്ടേറിയറ്റ് മാർച്ചിൽ പ്രതിഷേധസൂചകമയി പ്രവർത്തകർ മന്ത്രിമാരുടെ കോലം കത്തിച്ചപ്പോൾ ഉയർന്ന പുകക്ക് മുന്നിലൂടെ  വഴിയാത്രക്കാർ

തിരുവനന്തപുരം കവടിയാർ ഉദയ് പാലസ് കൺവെൻഷൻ സെന്ററിൽ നടന്ന ബി .എം .എസ് സംസ്‌ഥാന വനിതാ തൊഴിലാളി സംഗമം " ദൃഷ്ടി 2023 " ന്റെ ഉദ്ഘാടനത്തിനെത്തിയ കേന്ദ്രമന്ത്രി സ്‌മൃതി ഇറാനി യോടൊത്ത് സെൽഫി എടുക്കുന്ന കുട്ടി .കേന്ദ്രമന്ത്രി വി .മുരളീധരൻ സമീപം

യൂത്ത് കോൺഗ്രസ് സംസ്ഥാന സമ്മേളനത്തിന്റെ ഭാഗമായി തൃശൂർ തേക്കിൻകാട് മൈതാനിയിൽ തയ്യാറാക്കുന്ന  ഗാന്ധി പ്രതിമ.

രണ്ടാം കൃഷിക്കായി നിലമൊരുക്കുന്ന കർഷകൻ പാടത്ത് നിന്ന് ജോലികഴിഞ്ഞ് ട്രാക്‌ടറുമായി മടങ്ങിപോകുന്നത് നോക്കി നിൽക്കുന്ന പക്ഷിമൃഗാദികൾ. ആലപ്പുഴ കുട്ടനാട്ടിൽ നിന്നുള കാഴ്ച.

കുമരകം ചീപ്പുങ്കൾ പാലത്തിന് സമീപം മാലീക്കായൽ റോഡ് ഉയർത്തിപ്പണിതപ്പോൾ അടിയിലായിപ്പോയ വാട്ടർ അതോരിറ്റി പൈപ്പിൽ നിന്ന് കുടിവെള്ളം ശേഖരിക്കുന്ന സമീപവാസി ലിസി ജോസ്. കടുത്ത കുടിവെള്ളക്ഷാമം നേരിടുന്ന ഇവിടുത്തെ കുടിശിക കാലങ്ങളായി പഞ്ചായത്ത് നൽകാത്തതിനാൽ പ്രദേശത്തെ നിലവിലുള്ള വെള്ളം വിതരണം ഉടനെ നിർത്തുമെന്നാണ് വാട്ടർ അതോരിറ്റിയുടെ നിലപാട്. എട്ട് വർഷങ്ങൾക്ക് മുൻപ് ജലനിധി പദ്ധതിയുടെ ഭാഗമായി നാട്ടുകാരിൽ നിന്ന് നാലായിരം രൂപ വെച്ച് പിരിച്ച് പൈപ്പ് ലൈൻ സ്ഥാപിച്ചെങ്കിലും കുടിവെള്ളം മാത്രം വന്നില്ല

തരിച്ചെടുക്കാം... കായലിന്റെ ഒലപ്പരപ്പിൽ ചെറു അരിപ്പകളുമായി കക്കപെറുക്കുന്ന സ്ത്രീകൾ. കോഴിക്കോട് കക്കോടി ഓളപ്പറയിൽ നിന്നുള്ള കാഴ്ച്ച. വിൽപ്പനയ്ക്ക് വേണ്ടിയെല്ല ഇവരുടെ ഈ അധ്വാനം പകരം നാട്ടിൻപുറത്തെ ഒത്തൊരുമയും സൗഹൃദവും കൂടിയാണ്

ചാച്ചാജി... യൂത്ത് കോൺഗ്രസ് സംസ്ഥാന സമ്മേളനത്തിൻ്റെ ഭാഗമായി തൃശൂർ തേക്കിൻക്കാട് മൈതാനിയിൽ ഒരുങ്ങുന്ന നെഹ്റു പ്രതിമ.