മലയാളി വിദ്യാർത്ഥിനിക്ക് അമേരിക്കൻ സ്കോളർഷിപ്പ്

തിരുവനന്തപുരം: യു.എസ്.എയിലെ ബോസ്റ്റണിലെ എം.ഐ.ടിയിൽ നിന്നും കാലാവസ്ഥാ വ്യതിയാനവുമായി ബന്ധപ്പെട്ട പഠനത്തിന് മലയാളി വിദ്യാർത്ഥിനി പല്ലവി റേച്ചൽ ജോർജിന് ഫുൾബ്രൈറ്റ് സ്‌കോളർഷിപ്പ് ലഭിച്ചു. ഡൽഹിയിലെ സെന്റ് സ്റ്റീഫൻസ് കോളേജിൽ നിന്ന് സാമ്പത്തിക ശാസ്ത്രത്തിൽ ബിരുദവും സിംഗപ്പൂർ നാഷണൽ യൂണിവേഴ്സിറ്റിയിൽ നിന്ന് പബ്ലിക് പോളിസിയിൽ ബിരുദാനന്തര ബിരുദവും പൂർത്തിയാക്കിയിട്ടുണ്ട്. നിലവിൽ ഐ.ഐ.എം അഹമ്മദാബാദിൽ പിഎച്ച്.ഡി ചെയ്യുന്നു. ഭർത്താവ് വിനയ് വർഗീസ് സോഫ്റ്റ് വെയർ എൻജിനിയറാണ്. തിരുവല്ല സ്വദേശിയും ദക്ഷിണ റെയിൽവേയിലെ പ്രിൻസിപ്പൽ ചീഫ് കൊമേഴ്സ്യൽ മാനേജരുമായ കെ.ബെജി ജോർജിന്റെയും ഡോ.ഷീന ജോർജിന്റെയും മകളാണ്.