നിയമനകോഴ: പോലീസിനെ ഉപയോഗിച്ച് വെള്ളപൂശി

തിരുവനന്തപുരം: ആരോഗ്യമന്ത്രിയുടെ ഓഫീസിനെതിരെ ഉയർന്ന നിയമനകോഴ ആരോപണം പൊലീസിനെ ഉപയോഗിച്ച് സർക്കാർ വെള്ളപൂശിയെന്ന് കെ.പി.സി.സി പ്രസിഡന്റ് കെ.സുധാകരൻ എം.പി. പിണറായി സർക്കാരിന്റെ കാലത്ത് നടന്ന എല്ലാ നിയമന കോഴ വിവാദത്തിലും സമഗ്രമായ അന്വേഷണം നടത്തണം. മന്ത്രിസഭയിലെ ഉന്നതരെ കേന്ദ്രീകരിച്ച് ഉയരുന്ന ആരോപണങ്ങളെല്ലാം ഒതുക്കി തീർത്ത് ആരോപണ വിധേയരെ ആഭ്യന്തരവകുപ്പ് സംരക്ഷിക്കുകയാണ്. നിയമന തട്ടിപ്പുകൾ സി.പി.എമ്മിനും എൽ.ഡി.എഫിനും പണം സമ്പാദിക്കാനുള്ള മാർഗമായി മാറിയെന്നും അദ്ദേഹം പറഞ്ഞു.