അമ്മ ചുംബിച്ചത് പോലെ : മന്ത്രി സജി ചെറിയാൻ

ആലപ്പുഴ: അമൃതാനന്ദമയി ആദരിക്കപ്പെടേണ്ട വ്യക്തിത്വമാണെന്നും അതാണ് സംസ്ഥാന സർക്കാർ ആദരിച്ചതെന്നും മന്ത്രി സജി ചെറിയാൻ പറഞ്ഞു. കായംകുളത്ത് നഗരസഭാ ഗ്രന്ഥശാല ഉദ്ഘാടനം ചെയ്യുകയായിരുന്നു മന്ത്രി. ''അവർ എന്ത് തെറ്റാണ് ചെയ്തത്. ഒരുപാട് നല്ലകാര്യങ്ങൾ ചെയ്തു. ഞങ്ങൾ ആദരിച്ചു. അമ്മ എല്ലാവരെയും ചുംബിക്കുമല്ലോ. എനിക്കും തന്നു. എന്റെ അമ്മ ചുംബിക്കുന്നപോലെയാണ് കണ്ടത്. ഞാൻ അമ്മയ്ക്ക് ഷാൾ ഇട്ടിട്ട് ഉമ്മ നൽകി. എന്റെ അമ്മയുടെ പ്രായം ഉള്ള അമ്മയുടെ സ്ഥാനത്ത് നിൽക്കുന്നയാൾക്ക് ഉമ്മ നൽകിയത് പലർക്കും സഹിക്കാൻ കഴിയുന്നില്ല" - സജി ചെറിയാൻ പറഞ്ഞു.

അവർ ദൈവം ആണോ അല്ലയോ എന്നത് എന്റെ വിഷയമല്ല. ഞങ്ങളാരും അവർ ദൈവം ആണെന്ന് പറഞ്ഞിട്ടില്ല. ആദരിക്കപ്പെടേണ്ട വ്യക്തിത്വമാണ്. എല്ലാവർക്കും അവരുടെ ആലിംഗനത്തിൽപ്പെടാം . ഞങ്ങൾക്ക് പറ്റില്ല. അതങ്ങ് മനസ്സിൽ വച്ചാൽ മതിയെന്നും സജി ചെറിയാൻ പറഞ്ഞു.