തിരുവനന്തപുരം: കേന്ദ്ര തൊഴിൽ ഉദ്യോഗ മന്ത്രാലയത്തിന് കീഴിൽ തിരുവനന്തപുരം തൈക്കാട് പ്രവർത്തിക്കുന്ന ദേശീയ തൊഴിൽ സേവന കേന്ദ്രം, പട്ടികജാതി/ വർഗക്കാരായ യുവജനങ്ങളുടെ തൊഴിൽ സാദ്ധ്യത വർദ്ധിപ്പിക്കുന്നതിനായി സൗജന്യ പരിശീലന പരിപാടി ജനുവരിയിൽ ആരംഭിക്കും. ടൈപ്പ്റൈറ്റിംഗ്, ഷോർട്ട്ഹാന്റ്, കമ്പ്യൂട്ടർ എന്നീ വിഷയങ്ങളിലാണ് പരിശീലനം.
പരിശീലനത്തിന് ആവശ്യമായ പഠനസാമഗ്രികൾ സൗജന്യമായി നൽകും. 12-ാം ക്ലാസോ അതിനു മുകളിലോ പാസായവരും 40 വയസിനു താഴെ പ്രായമുള്ളവർക്കും പരിശീലനത്തിൽ പങ്കെടുക്കാം. തൈക്കാടുള്ള ദേശീയ തൊഴിൽ സേവന കേന്ദ്രത്തിലാണ് കോഴ്സ് നടത്തുന്നത്. റെഗുലറായി 12-ാം ക്ലാസിലും കോളേജുകളിലും പഠിക്കുന്ന വിദ്യാർത്ഥികൾക്കും പരിശീലനത്തിൽ പങ്കെടുക്കാം. ബയോഡാറ്റ, വിദ്യാഭ്യാസ യോഗ്യത തെളിയിക്കുന്ന സർട്ടിഫിക്കറ്റ്, ജാതി സർട്ടിഫിക്കറ്റ്, ആധാർ കാർഡ് എന്നിവ സഹിതം ജനുവരി 18ന് വൈകിട്ട് അഞ്ചിനകം തൈക്കാടുള്ള ഓഫീസിൽ നേരിട്ട് ഹാജരാകണം. കൂടുതൽ വിവരങ്ങൾക്ക്: 04712332113/8304009409.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |