യുവാവിനെ ഗുണ്ടാസംഘം അമ്മയുടെ മുന്നിലിട്ട് വെട്ടിക്കൊലപ്പെടുത്തി

കരുനാഗപ്പള്ളി: ഗുണ്ടാസംഘം വീട്ടിൽ കയറി യുവാവിനെ അമ്മയുടെ കൺമുന്നിലിട്ട് വെട്ടിക്കൊലപ്പെടുത്തി. നിരവധി കേസുകളിൽ പ്രതിയായ പടനായർകുളങ്ങര വടക്ക് കെട്ടിശേരിൽ കിഴക്കതിൽ ജിം സന്തോഷ് എന്ന് വിളിക്കുന്ന സന്തോഷാണ് (45) കൊല്ലപ്പെട്ടത്. കഴിഞ്ഞ നവംബറിൽ കരുനാഗപ്പള്ളി ചങ്ങൻകുളങ്ങര സ്വദേശിയെ സന്തോഷ് കുത്തിപ്പരിക്കേൽപ്പിച്ചതിന്റെ വൈരാഗ്യത്തിലാണ് കൊലപാതകമെന്നാണ് പൊലീസിന്റെ സംശയം.

കൊലപാതകശേഷം ഇതേസംഘം വവ്വാക്കാവിൽ വച്ച് സന്തോഷിന്റെ സുഹൃത്തായ ഓച്ചിറ കണ്ണമ്പള്ളിൽ കിഴക്കതിൽ വീട്ടിൽ അനീറിനെ (31) ദേഹമാസകലം വെട്ടിപ്പരിക്കേൽപ്പിച്ചു. വ്യാഴാഴ്ച പുലർച്ചെ 2.15 ഓടെയാണ് സംഭവം. സന്തോഷും അമ്മ ഓമനഅമ്മയും മാത്രമാണ് വീട്ടിലുണ്ടായിരുന്നത്. വ്യാജ നമ്പർ പതിച്ച ഇന്നോവ കാറിലാണ് ആറംഗ ഗുണ്ടാസംഘമെത്തിയത്. കാറ് റോഡുവക്കിൽ ഒതുക്കിയ ശേഷം നാലുപേർ നടന്ന് സന്തോഷിന്റെ വീട്ടിലെത്തി വൈദ്യുതി ബന്ധം വിച്ഛേദിച്ചു. ഇതോടെ ഭിത്തിയിൽ സ്ഥാപിച്ചിരുന്ന നിരീക്ഷണ കാമറയുടെ പ്രവർത്തനം നിലച്ചു. തുടർന്ന് സംഘം മൺവെട്ടിയും കോടാലിയും ഉപയോഗിച്ച് കതക് വെട്ടിപ്പൊളിച്ചു. സന്തോഷിന്റെ മുറിയെന്ന് കരുതി സംഘം ആദ്യം പൊളിച്ചത് ഓമനഅമ്മയുടെ മുറിയുടെ വാതിലായിരുന്നു. തുടർന്നാണ് സന്തോഷിന്റെ മുറിയുടെ കതക് തകർത്തത്. മുറിക്കുള്ളിൽ കയറിയ സംഘം രണ്ട് പ്രാവശ്യം തോട്ട പൊട്ടിച്ച് ഭീകരാന്തരീക്ഷം സൃഷ്ടിച്ചു. ഇടിമുഴക്കം പോലുള്ള ശബ്ദം കേട്ടെങ്കിലും അയൽവാസികൾ ഭയന്ന് പുറത്തിറങ്ങിയില്ല.

അക്രമികൾ സന്തോഷിന്റെ കാല് കൂടത്തിന് അടിച്ചുതകർത്ത ശേഷം നെഞ്ചിലും തലയിലും മുതുകിലും വാൾ കൊണ്ട് വെട്ടുകയായിരുന്നു. സംഭവത്തിനു ശേഷം അക്രമികൾ കാറിൽ കയറി രക്ഷപ്പെട്ടു. ഗുരുതരമായി പരിക്കേറ്റ സന്തോഷ് മൊബൈലിൽ ആംബുലൻസ് ഡ്രൈവറെ വിളിച്ച് സഹായം അഭ്യർത്ഥിച്ചു. ഇതിനിടെ അയൽവാസികൾ പൊലീസിനെ വിവരമറിയിച്ചു. ആംബുലൻസും പൊലീസും എത്തി ഉടൻ തന്നെ സന്തോഷിനെ കരുനാഗപ്പള്ളി താലൂക്ക് ആശുപത്രിയിൽ എത്തിച്ചെങ്കിലും മരിച്ചിരുന്നു. ഇതിനിടെയാണ് ഇതേ സംഘം നാലര കിലോമീറ്റർ അകലെയുള്ള വവ്വാക്കാവിലെത്തി ചെട്ടിക്കുളങ്ങര ക്ഷേത്രത്തിൽ പൊരിപ്പ് കച്ചവടം കഴിഞ്ഞ് രണ്ട് സുഹൃത്തുകൾക്കൊപ്പം മടങ്ങിവരികയായിരുന്നു അനീറിനെ വെട്ടിപ്പരിക്കേൽപ്പിച്ചത്. അനീറിനെ മാത്രം ലക്ഷ്യമിട്ട സംഘം ഒപ്പമുണ്ടായിരുന്ന മറ്റ് രണ്ടുപേരെ ഉപദ്രവിച്ചില്ല. ഗുരുതരമായി പരിക്കേറ്റ അനീർ ആലപ്പുഴ മെഡിക്കൽ കോളേജ് ആശുപത്രിയിൽ ചികിത്സയിലാണ്.

ഇൻക്വസ്റ്റിനു ശേഷം സന്തോഷിന്റെ മൃതദേഹം പോസ്റ്റ്മോർട്ടത്തിനായി പാരിപ്പള്ളി മെഡിക്കൽ കോളേജ് ആശുപത്രിയിൽ സൂക്ഷിച്ചിരിക്കുകയാണ്. സന്തോഷിന്റെ പേരിൽ കരുനാഗപ്പള്ളി പൊലീസ് സ്റ്റേഷനിൽ നിരവധി കേസുകളുണ്ട്. ചങ്ങൻകുളങ്ങര സ്വദേശിയെ കുത്തിയ കേസിൽ 45 ദിവസത്തെ റിമാൻഡ് കഴിഞ്ഞ് അടുത്തിടെയാണ് സന്തോഷ് പുറത്തിറങ്ങിയത്. കൊലപാതകവുമായി ബന്ധപ്പെട്ട് നേരത്തേ കുത്തേറ്റ യുവാവിന്റെ സുഹൃത്തുക്കൾ ഉൾപ്പെട്ട വയനകത്തെ ഗുണ്ടാസംഘത്തിനായി പൊലീസ് തെരച്ചിൽ ഊർജ്ജിതമാക്കി. സന്തോഷിന് ഭാര്യയും രണ്ട് മക്കളും ഉണ്ടെങ്കിലും കഴിഞ്ഞ രണ്ട് വർഷമായി പിണങ്ങി വാടകവീട്ടിലാണ് താമസം. കരുനാഗപ്പള്ളി എ.സി.പി അഞ്ജലി ഭാവന, എസ്.എച്ച്.ഒ വി. ബിജു എന്നിവരുടെ നേതൃത്വത്തിലാണ് അന്വേഷണം.

 കാറുടമ കസ്റ്റഡിയിൽ

ഗുണ്ടാസംഘം ഉപയോഗിച്ച കാർ വയനകത്ത് റോഡുവക്കിൽ ഉപേക്ഷിച്ച നിലയിൽ ഇന്നലെ രാവിലെ കണ്ടെത്തിയിരുന്നു. ഈ കാറിന്റെ ഉടമയെ പൊലീസ് കസ്റ്റഡിയിലെടുത്തു.

 '​ഒ​ന്നും​ ​ചെ​യ്യ​ല്ലേ​യെ​ന്ന് ​ക​ര​ഞ്ഞ് പ​റ​ഞ്ഞ​താ​ണ്,​ ​പ​ക്ഷേ​ ​'​'...

​'​എ​ന്റെ​ ​കു​ഞ്ഞി​നെ​ ​ഒ​ന്നും​ ​ചെ​യ്യ​ല്ലേ​യെ​ന്ന് ​അ​വ​രോ​ട് ​ഞാ​ൻ​ ​അ​ല​റി​ക്ക​ര​ഞ്ഞ് ​പ​റ​ഞ്ഞ​താ​ണ്.​ ​എ​ന്നി​ട്ടും​ ​എ​ന്റെ​ ​മ​ക​നെ​ ​അ​വ​ര് ​വെ​റു​തെ​ ​വി​ട്ടി​ല്ല​'​'.​ ​കൊ​ല്ല​പ്പെ​ട്ട​ ​സ​ന്തോ​ഷി​ന്റെ​ ​അ​മ്മ​ ​ഓ​മ​ന​യു​ടെ​ ​വാ​ക്കു​ക​ളി​ൽ​ ​ഞെ​ട്ട​ലും​ ​ഭ​യ​വും​ ​വി​ട്ടു​മാ​റി​യി​ട്ടു​ണ്ടാ​യി​രു​ന്നി​ല്ല.
വ​ന്ന​വ​ർ​ ​സ​ന്തോ​ഷ് ​ഉ​ണ്ടോ​ന്ന് ​ചോ​ദി​ച്ചു.​ ​ഉ​ണ്ടാ​യി​രു​ന്ന​ല്ലോ​ന്ന് ​ഞാ​ൻ​ ​പ​റ​ഞ്ഞു.​ ​ഉ​ട​നെ​ ​ഇ​രു​മ്പ് ​പി​ടി​യു​ള്ള​ ​മ​ൺ​വെ​ട്ടി​ ​ഒ​ക്കെ​ ​വ​ച്ച് ​ക​ത​ക് ​അ​ടി​ച്ച് ​ത​ക​ർ​ക്കാ​ൻ​ ​തു​ട​ങ്ങി.​ ​എ​ന്താ​ണ് ​സം​ഭ​വി​ക്കു​ന്ന​തെ​ന്ന് ​അ​പ്പോ​ൾ​ ​മ​ന​സി​ലാ​യ​തേ​ ​ഇ​ല്ലേ.​ ​അ​തി​നു​ള്ള​ ​മാ​ന​സി​കാ​വ​സ്ഥ​ ​ആ​യി​രു​ന്നി​ല്ല.​ ​മു​മ്പും​ ​മ​ക​നെ​തി​രെ​ ​വ​ധ​ശ്ര​മം​ ​ന​ട​ന്നി​രു​ന്നു.​ ​ഇ​പ്പോ​ ​എ​ന്റെ​ ​മോ​നെ​ ​അ​വ​ർ​ ​വെ​ട്ടി​കൊ​ന്ന് ​ക​ള​ഞ്ഞി​ല്ലേ.​ ​വാ​ക്കു​ക​ൾ​ ​പൂ​ർ​ത്തി​യാ​ക്കാ​ൻ​ ​ക​ഴി​യാ​തെ​ ​സ​ന്തോ​ഷി​ന്റെ​ ​അ​മ്മ​ ​പൊ​ട്ടി​ക്ക​ര​ഞ്ഞു.​ ​ക​ര​ഞ്ഞു​ത​ള​ർ​ന്ന​ ​അ​മ്മ​യെ​ ​എ​ങ്ങ​നെ​ ​സ​മാ​ധാ​നി​പ്പി​ക്ക​ണ​മെ​ന്ന​റി​യാ​തെ​ ​കൂ​ടി​നി​ന്ന​വ​ർ​ ​കു​ഴ​ങ്ങി.