അനിൽകാന്തും അരവിന്ദബാബുവും ചുമതലയേറ്റു

തിരുവനന്തപുരം: സംസ്ഥാന പൊലീസ് കംപ്ലെയിന്റ്സ് അതോറി​റ്റി അംഗങ്ങളായി മുൻ പൊലീസ് മേധാവി അനിൽകാന്തും മുൻ നിയമസെക്രട്ടറി പി.കെ. അരവിന്ദ ബാബുവും ചുമതലയേറ്റു. 1988 ബാച്ച് ഐ.പി.എസ് ഉദ്യോഗസ്ഥനാണ് അനിൽകാന്ത്. 1992 ൽ മുൻസിഫ് മജിസ്‌ട്രേ​റ്റായി സർവീസിൽ പ്രവേശിച്ച പി.കെ അരവിന്ദ ബാബു പാലക്കാട്, തൊടുപുഴ, ഇരിഞ്ഞാലക്കുട എന്നിവിടങ്ങളിൽ ജില്ലാ സെഷൻസ് ജഡ്ജിയായിരുന്നു. ഹൈക്കോടതിയുടെ എ.ഡി.ആർ സെന്റർ ഡയറക്ടർ, സ്​റ്റേ​റ്റ് ലീഗൽ സർവീസ് അതോറി​റ്റി മെമ്പർ സെക്രട്ടറി പദവികൾ വഹിച്ചു. 2021ൽ നിയമസെക്രട്ടറിയായി വിരമിച്ചശേഷം പൊലീസ് കംപ്ലെയിന്റ്സ് അതോറിട്ടി അംഗമായി. മാർച്ചിൽ കാലാവധി കഴിഞ്ഞതോടെ പുനർനിയമനം നൽകുകയായിരുന്നു. ജസ്​റ്റിസ് വി. കെ. മോഹനനാണ് പൊലീസ് കംപ്ലയിന്റ്സ് അതോറി​റ്റി ചെയർമാൻ.