നീറ്റ് പി.ജി: ഇനി സമയം  നീട്ടി നൽകില്ലെന്ന് കോടതി

ന്യൂഡൽഹി: നീറ്റ് പി.ജി പരീക്ഷ ഒറ്റ ഷിഫ്റ്റിൽ നടത്തണമെന്ന് മേയ് 30നാണ് സുപ്രീംകോടതി നിർദ്ദേശിച്ചത്. രണ്ടു ഷിഫ്റ്റുകളിലായി പരീക്ഷ നടത്താൻ സുപ്രീംകോടതി അംഗീകരിച്ചിരുന്നില്ല. ഇതോടെ, 15ന് നടത്താനിരുന്ന പരീക്ഷ മാറ്റിവയ്‌ക്കുകയായിരുന്നു. ഒറ്റ ഷിഫ്ടിൽ നടത്താനുള്ള നടപടി ആരംഭിച്ചില്ലേയെന്ന് ജസ്റ്റിസുമാരായ പ്രശാന്ത് കുമാർ മിശ്ര,​ അഗസ്റ്റിൻ ജോർജ് മസീഹ് എന്നിവരടങ്ങിയ ബെഞ്ച് ഇന്നലെ ആരാഞ്ഞു. രണ്ടുമാസത്തിലധികം വേണമെന്നത് വൈകിപ്പിക്കൽ അല്ലേയെന്നും ചോദിച്ചു. ആവശ്യത്തിൽ സദുദ്ദ്യേശമുള്ളതിനാൽ ഇപ്പോൾ സമയം അനുവദിക്കുകയാണെന്നും ഇനി നീട്ടി നൽകില്ലെന്നും വ്യക്തമാക്കി.