മെഗാ തൊഴിൽമേള ഇന്ന്

ചേർത്തല : മുട്ടം സെന്റ്‌ മേരീസ് ഫൊറോന പള്ളി സഹസ്രാബ്ദ ജൂബിലി ആഘോഷങ്ങളുടെ ഭാഗമായി ചേർത്തല നൈപുണ്യ കോളേജുമായി സഹകരിച്ചുള്ള മെഗാതൊഴിൽമേള ഇന്ന് രാവിലെ ഒമ്പതു മുതൽ മുട്ടം ഹോളിഫാമിലി എച്ച്.എസ്.എസിൽ നടക്കും. ടെക്‌ജെൻഷ്യ സി.ഇ.ഒ ജോയ് സെബാസ്​റ്റ്യൻ ഉദ്ഘാടനം ചെയ്യും. 50ലധികം കമ്പനികൾ പങ്കെടുക്കുമെന്ന് ജൂബിലി ആഘോഷകമ്മി​റ്റി ചെയർമാൻ ഫാ.ആന്റോ ചേരാംതുരുത്തി,നൈപുണ്യ കോളേജ് പ്രിൻസിപ്പൽ ഫാ.ബൈജു ജോർജ്ജ് പൊന്തേമ്പിള്ളി,വി.കെ.ജോർജ്ജ്,ഐസക്ക് മാടവന എന്നിവർ അറിയിച്ചു. പ്ലസ് ടു,ഡിഗ്രി,പി.ജി,എൻജിനീയറിംഗ്,ഐ.ടി.ഐ,പോളിടെക്നിക്ക്,നഴ്സിംഗ്,ഹോട്ടൽമാനേജ്‌മെന്റ് യോഗ്യതയുള്ളവർക്കും അവസാനവർഷ വിദ്യാർത്ഥികൾക്കും പ്രവൃത്തിപരിചയമില്ലാത്തവർക്കും പങ്കെടുക്കാം. ബയോഡാ​റ്റയുമായി എത്തണം. ഫോൺ: 9846606606.