'അനുരാഗത്തിന്റെ ആഗസ്റ്റ്' പ്രണയ ഗാനാലാപന മത്സരം

തിരുവനന്തപുരം: വൈലോപ്പിള്ളി സംസ്‌കൃതിഭവന്റെ ആഭിമുഖ്യത്തിൽ 'അനുരാഗത്തിന്റെ ആഗസ്റ്റ്' എന്ന പേരിൽ നടത്തുന്ന പ്രണയഗാനാലാപന മത്സരം ഇന്ന് മുതൽ 6 വരെ സംസ്‌കൃതിഭവൻ കൂത്തമ്പലത്തിൽ നടത്തും. സർക്കാർ ജീവനക്കാർ,ഹയർ സെക്കൻഡറി,കോളേജ് വിദ്യാർത്ഥികൾ,പൊതുജനങ്ങൾ എന്നിവർക്കായാണ് മത്സരം സംഘടിപ്പിക്കുന്നത്. മത്സരങ്ങൾ രാവിലെ 10 മുതൽ ആരംഭിക്കും.

4ന് വൈകിട്ട് 6.30 മുതൽ 1980 വരെയുള്ള പ്രണയഗാനങ്ങൾ കല്ലറ ഗോപൻ,ജി.ശ്രീറാം,അപർണ രാജീവ്,നാരായണി ഗോപൻ,കാഞ്ചന ശ്രീറാം എന്നിവർ ആലപിക്കും. 5ന് വൈകിട്ട് 6.30 മുതൽ 1980 മുതൽ 2000 വരെയുള്ള പ്രണയഗാനങ്ങൾ പ്രദീപ് സോമസുന്ദരം,രവിശങ്കർ,നിഷാദ്,രാജലക്ഷ്മി,സരിത രാജീവ് എന്നിവർ ആലപിക്കും. 2000 മുതൽ 2025 വരെയുള്ള ഗാനങ്ങൾ 6ന് വൈകിട്ട് ദേവിക.വി.നായർ ആലപിക്കും.

4ന് സർക്കാർ ജീവനക്കാർക്കും 5ന് കോളേജ്,​ഹയർ സെക്കൻഡറി വിഭാഗത്തിനും 6ന് 25 വയസിന് മുകളിൽ പ്രായമുള്ളവർക്കുമുള്ള മത്സരങ്ങൾ നടക്കുമെന്ന് വൈലോപ്പിളി സംസ്‌കൃതിഭവൻ വൈസ് ചെയർമാൻ ജി.എസ്.പ്രദീപും മെമ്പർ സെക്രട്ടറി പി.എസ്.മനേഷും അറിയിച്ചു.