അരൂർ ദേശീയപാതയിൽ തടി ലോറി മറിഞ്ഞു

അരൂർ : അരൂർ- തുറവൂർ ഉയരപ്പാത നിർമ്മാണം നടക്കുന്ന അരൂർ ദേശീയപാതയോരത്ത് തടി കയറ്റിവന്ന ലോറി മറിഞ്ഞു,​ ആളപായമില്ല. ഇന്നലെ പുലർച്ചെയായിരുന്നു സംഭവം. അരൂർ ശ്രീനാരായണ നഗറിന് മുന്നിൽ ദേശീയപാതയുടെ പടിഞ്ഞാറ് ഭാഗത്തായിട്ടാണ് ലോറി മറിഞ്ഞത്. പെരുമ്പാവൂർ പ്ലൈവുഡ് കമ്പനിയിലേക്ക് തടി കയറ്റി പോവുകയായിരുന്ന ലോറിയാണ് അപകടത്തിൽപ്പെട്ടത്. ദേശീയപാത നിർമ്മാണം നടക്കുന്ന ഈ ഭാഗത്ത് വെള്ളം കെട്ടിക്കിടക്കുന്ന കുഴിയുടെ ആഴം തിരിച്ചറിയാതെ പോയതാണ് ലോറി മറിയാനുള്ള കാരണം. ഉച്ചയോടെ തടി മറ്റൊരു ലോറിയിലേക്ക് നീക്കിയ ശേഷം മറിഞ്ഞ ലോറി മാറ്റി. തുടർച്ചയായി അപകടങ്ങൾ ഉണ്ടാകുന്ന പ്രദേശമാണിത്.