കാഴ്ചകൾക്കായി ഓണം ക്രൂയിസ്

വൈപ്പിൻ : ആട്ടവും പാട്ടും കാഴ്ചകളുമായി കടമക്കുടി,വൈപ്പിൻ ദ്വീപുകളിൽ ആഘോഷമായി ഓണം ക്രൂയിസ്. സെപ്തംബർ ഒന്ന് മുതൽ പത്ത് വരെയാണ കാഴ്ചകളൊരുക്കുന്നത്.
സെപ്തംബർ 1 ന് രാവിലെ 10 ന് ബോൾഗാട്ടി റോറോ ജെട്ടിയിൽ കെ.എൻ. ഉണ്ണിക്കൃഷ്ണൻ എം.എൽ.എ ഓണം ക്രൂയിസ് ഉദ്ഘാടനം ചെയ്യും. കൊച്ചിൻ ക്രൂയിസ് സിറ്റിയാണ് യാത്രകളും കാഴ്ചയും സംഘടിപ്പിക്കുന്നത്. 5 മണിക്കൂർ നീളുന്ന ജലമാർഗ ഉല്ലാസ യാത്രയ്ക്ക് ഭക്ഷണമുൾപ്പെടെ 550 രൂപയാണ് നിരക്ക്. പ്രകൃതി ഭംഗി, ജീവിത രീതി, കൃഷി സമ്പ്രദായങ്ങൾ, ചരിത്ര സ്മാരകങ്ങൾ,പൊക്കാളി പാടങ്ങൾ, ചീന വലകൾ,ചെമ്മീൻ കെട്ടുകൾ, കൂട് കൃഷി തുടങ്ങിയവയെല്ലാം കാണാനും അറിയാനും സാധിക്കും.