കൊച്ചി: കലാമണ്ഡലം കൃഷ്ണൻകുട്ടി പൊതുവാളിന്റെ സ്മരണാർത്ഥം കലാസാഗർ ഏർപ്പെടുത്തിയ കലാസ്വാദക പുരസ്‌കാരത്തിനുള്ള നാമനിർദ്ദേശം ക്ഷണിച്ചു. കഥകളി വേഷം, സംഗീതം, ചെണ്ട, മദ്ദളം, ചുട്ടി തുടങ്ങിയവയിലെ കലാകാരന്മാരെയും ഓട്ടൻതുള്ളൽ, ചാക്യാർകൂത്ത്, കൂടിയാട്ടം, മോഹിനിയാട്ടം, ഭരതനാട്യം, കുച്ചുപ്പുടി, തായമ്പക, പഞ്ചവാദ്യത്തിലെ തിമില, മദ്ദളം, ഇടക്ക , ഇലത്താളം, കൊമ്പ് എന്നിവയിൽ പ്രാവീണ്യം തെളിയിച്ചവരെയുമാണ് പുരസ്‌കാരം നൽകി ആദരിക്കുന്നത്. 40നും 70നും ഇടയിൽ പ്രായമുള്ള കേരളത്തിൽ സ്ഥിരതാമസമാക്കിയ കലാകാരന്മാരെയാണ് നാമനിർദ്ദേശം ചെയ്യേണ്ടത്. ഏപ്രിൽ 28നു മുമ്പായി സെക്രട്ടറി, കലാസാഗർ, കവളപ്പാറ, ഷൊർണുർ. 679523 എന്ന വിലാസത്തിലാണ് നാമനിർദ്ദേശം അയയ്ക്കുക.