അന്താരാഷ്ട്ര ബധിര ദിനാഘോഷം

കാഞ്ഞങ്ങാട്: മാർത്തോമാ ബധിരസ്ഥാപനങ്ങളുടെ നേതൃത്വത്തിൽ ജില്ലാതല അന്തരാഷ്ട്ര ബധിരദിനാചരണം നടത്തി.പാലക്കുന്ന് അംബിക ഇംഗ്ലീഷ് മീഡിയം സ്‌കൂൾ ഒഡിറ്റോറിയത്തിൽ ഉദുമ പഞ്ചായത്ത് പ്രസിഡന്റ് പി.ലക്ഷ്മി ഉദ്ഘാടനം ചെയ്തു അഡ്മിനിസ്‌ട്രേറ്റർ ഫാദർ മാത്യു ബേബി അദ്ധ്യക്ഷത വഹിച്ചു.ബേക്കൽ സർക്കിൾ ഇൻസ്‌പെക്ടർ എം.വി.ശ്രീദാസൻ , ഫാദർ ജോർജ് വർഗീസ്,​ എം.എസ്.ജെംഷിദ് , പാലക്കുന്ന് കഴകം ഭഗവതി ക്ഷേത്രം വിദ്യാഭ്യാസ സമിതി പ്രസിഡന്റ് രാജേന്ദ്രൻ, ഷെരീഫ് കാപ്പിൽ, ഡോ.ജയരാജ്,​പി.കെ.അബ്ദുള്ള കുഞ്ഞി, കെ.സന്ദീപ് ,ടി.പവിത്രൻ, മുഹമ്മദ് ആമീൻ, യമുന ജി ഉത്തമൻ, വിനീത് എന്നിവർ സംസാരിച്ചു. സ്റ്റാഫ് സെക്രട്ടറി കെ.ടി.ജോഷിമോൻ സ്വാഗതവും പ്രധാനാദ്ധ്യാപിക എസ്.ഷീല നന്ദിയും പറഞ്ഞു.