എന്‍.എസ്.എസ്. ഏകദിന പരിശീലനം

കാസർകോട്: കാസർകോട് താലൂക്ക് മന്നം സോഷ്യൽ സർവീസ് സൊസൈറ്റി നബാർഡ് ധനസഹായത്തോടെ വനിത സ്വയം സഹായ സംഘം, ഈ ശക്തി അനിമേറ്റർമാർ, ജെ.എൽ.ജി. ഗ്രൂപ്പ് അംഗങ്ങൾ എന്നിവർക്കായി പരിശീലനം സംഘടിപ്പിച്ചു. പരിപാടി എൻ.എസ്.എസ്. ഡയറക്ടർ ബോർഡ് മെമ്പർ എ. ബാലകൃഷ്ണൻ നായർ ഉദ്ഘാടനം ചെയ്തു.

നബാർഡ് ജില്ല ഡെവലപ്പ്‌മെന്റ് മാനേജർ ദിവ്യ കെ.ബി. മുഖ്യാതിഥിയായിരുന്നു. യൂണിയൻ വൈസ് പ്രസിഡന്റ് സി. ഭാസ്‌കരൻ നായർ അദ്ധ്യക്ഷത വഹിച്ചു. യൂണിയൻ സെക്രട്ടറി യു.. രാജഗോപാൽ സ്വാഗതം പറഞ്ഞു. ധനലക്ഷ്മി ബാങ്ക് മൈക്രോ ക്രെഡിറ്റ് ഓഫീസർ അരവിന്താക്ഷൻ, അസിസ്റ്റന്റ് മാനേജർ നിധിൻ ചന്ദ്രൻ, എഫ്.എൽ.സി. ദേവദാസ് എന്നിവർ ക്ലാസുകൾ കൈകാര്യം ചെയ്തു. വനിത യൂണിയൻ പ്രസിഡന്റ് സ്മിത ബാലകൃഷ്ണൻ, യൂണിയൻ കമ്മറ്റി മെമ്പർ കെ. ജനാർദ്ദനൻ നായർ, ഉണ്ണികൃഷ്ണൻ എം.എസ്. തുടങ്ങിയവർ സംസാരിച്ചു.