ഫാസ് സംഗീതനിറവ്

കൊല്ലം: ഫൈൻ ആർട്സ് സൊസൈറ്റി കൊല്ലത്തിന്റെ (കൊല്ലം ഫാസ്‌) ആഭിമുഖ്യത്തിൽ 27 വൈകിട്ട് 5 മുതൽ ഫൈൻ ആർട്സ് സൊസൈറ്റി ഓഡിറ്റോറിയത്തിൽ ഫാസ് അംഗങ്ങൾക്കും കുടുംബാംഗങ്ങൾക്കും ഇഷ്ടഗാനങ്ങൾ ആലപിക്കാവുന്ന കരോക്കെ സംഗീത പരിപാടി "ഫാസ് സംഗീതനിറവ്" ഉണ്ടായിരിക്കും. കല- ഫാസ് സംയുക്ത പ്രതിമാസ പരിപാടിയായി 28ന് വൈകിട്ട് 6.30ന് സോപാനം കലാകേന്ദ്രത്തിൽ കൊല്ലം ചൈതന്യ അവതരിപ്പിക്കുന്ന "അങ്കം ജയിക്കാൻ ഒരമ്മ" എന്ന നാടകം അരങ്ങേറും. പൊതുജനങ്ങൾക്ക് പ്രവേശനം സൗജന്യമായിരിക്കും. ഒപ്പം ഭാഗ്യ നറുക്കെടുപ്പ് കൂപ്പണുകളും ഏർപ്പെടുത്തിയിട്ടുണ്ടെന്ന് സെക്രട്ടറി പ്രദീപ് ആശ്രാമം അറിയിച്ചു.