പോർച്ചിൽ കി​ടന്ന കാർ കത്തി​നശി​ച്ചു

പത്തനാപുരം: വീട്ടി​ലെ പോർച്ചിൽ നിറുത്തിയിട്ടിരുന്ന കാർ കത്തിനശിച്ചു. പിറന്തൂരിലെ അലിമുക്ക് ആനകുളം ചരുവിള വീട്ടിൽ ജിജി ലൂക്കോസിന്റെ കാറാണ് കത്തി​യത്. കുടുംബവുമൊത്ത് കാറിൽ പുറത്ത് പോയി മടങ്ങി​യെത്തി​യ ശേഷം പാർക്ക് ചെയ്തിരുന്ന കാറാണ് മണിക്കൂറുകൾക്ക് ശേഷം തീ പിടിച്ചത്. കാർ കത്തുന്നതി​ന്റെ ഗന്ധം കേട്ട് പുറത്തി​റങ്ങിയ ഉടമ വാഹനത്തിന്റെ ബോണറ്റിന്റെ ഭാഗം കത്തുന്നതാണ് കണ്ടത്. അയൽവാസികൾ ഓടിക്കൂടിയ ശേഷം കാർ പോർച്ചിൽ നിന്നു തളളി പുറത്തി​റക്കിയത് കൊണ്ട് വീട്ടിലേക്ക് തീ പടർന്നി​ല്ല. വിവരം അറിയിച്ചതിനെ തുടർന്ന് പൊലീസും ഫയർഫോഴ്സും സ്ഥലത്തെത്തിയപ്പോഴേക്കും നാട്ടുകാർ തീ അണച്ചിരുന്നു. സംഭവത്തിൽ ദുരൂഹതയില്ലെന്നും ഷോർട്ട് സർക്യൂട്ടാകാം തീ പിടി​ത്തത്തിന് കാരണമെന്നും ഉടമ പറഞ്ഞു. കാറിൻെറ യന്ത്ര ഭാഗങ്ങൾ പൂർണണമായും കത്തി നശിച്ച നിലയിലായിരുന്നു.