ഗാന്ധിഭവന് അന്താരാഷ്ട്ര പുരസ്‌കാരം

കൊല്ലം: സ്വിറ്റ്സർലന്റ് കേന്ദ്രമായി പ്രവർത്തിക്കുന്ന സാമൂഹ്യസേവന പ്രസ്ഥാനമായ സെസിയുടെ ആഭിമുഖ്യത്തിൽ ഏർപ്പെടുത്തിയ സോഷ്യൽ ആക്ടിവിറ്റി ഇന്റർനാഷണൽ പുരസ്‌കാരം ഗാന്ധിഭവന് ലഭിച്ചു.

സ്വിറ്റ്സർലന്റ് സ്വദേശിനിയായ മജാകൊയ്നാ സെസി ഫൗണ്ടേഷൻ സ്ഥാപകരിലൊരാളായിരുന്നു. ഇവരുടെ സ്മരണയ്ക്കായി ഏർപ്പെടുത്തിയതാണ് പുരസ്കാരം.

പതിനൊന്നായിരം രൂപയും പ്രശസ്തിപത്രവും അടങ്ങുന്ന അവാർഡ് മധുര ആശ്രമത്തിൽ നടന്ന ദേശീയ ഗാന്ധിദർശന സംഗമത്തിൽ ഗാന്ധിഭവൻ സെക്രട്ടറി ഡോ. പുനലൂർ സോമരാജൻ ഏറ്റുവാങ്ങി. ഏകതാ പരിഷത്ത് ചെയർമാൻ ഡോ. പി.വി. രാജഗോപാൽ, തമിഴ്നാട് കേന്ദ്രമായി പ്രവർത്തിക്കുന്ന 'തുല' സ്ഥാപകനായ ഡോ. അനന്തു, കേരള ഗാന്ധി സ്മാരകനിധി സംസ്ഥാന ചെയർമാൻ ഡോ. എൻ. രാധാകൃഷ്ണൻ എന്നിവർ ചേർന്നാണ് പുരസ്‌കാരം സമ്മാനിച്ചത്.