വൈക്കം സത്യഗ്രഹം കാവ്യസദസ് ഇന്ന്.

വൈക്കം . വൈക്കം സത്യഗ്രഹ ശതാബ്ദി ആഘോഷത്തോട് അനുബന്ധിച്ച് ഒരു വർഷം നീണ്ടു നിൽക്കുന്ന ആഘോഷ പരിപാടികളുടെ പ്രചരണാർത്ഥം കെ പി സി സി വിചാർ വിഭാഗ് വൈക്കം നിയോജക മണ്ഡലം കമ്മിറ്റിയുടെ ആഭിമുഖ്യത്തിൽ ഇന്ന് കാവ്യസദസ് സംഘടിപ്പിക്കും. വൈക്കം കച്ചേരി കവലയിൽ വൈകിട്ട് 4 30 നാണ് പരിപാടി. വിചാർ വിഭാഗ് ജില്ലാ ചെയർമാൻ കെ എം ബെന്നി ഉദ്ഘാടനം ചെയ്യും. ചെയർമാൻ എം ഗോപാലകൃഷ്ണൻ അദ്ധ്യക്ഷത വഹിക്കും. പ്രമുഖ കവികൾ സത്യഗ്രഹകാല ഗാനങ്ങളും സ്വന്തം കവിതകളും അവതരിപ്പിക്കും. പങ്കെടുക്കുന്ന കവികൾക്ക് പുസ്തകവും സർട്ടിഫിക്കറ്റും നൽകും.