സ്‌കൂൾ വാർഷിക ആഘോഷം 

ചങ്ങനാശേരി : ക്ലൂണി സീനിയർ സെക്കൻഡറി സ്‌കൂളിലെ വാർഷികാഘോഷം ചെത്തിപ്പുഴ സെന്റ് തോമസ് ആശുപത്രി ഡയറക്ടർ ഫാ. ജയിംസ് പി.കുന്നത്ത് ഉദ്ഘാടനം ചെയ്തു. ക്ലൂണി കോൺഗ്രിഗേഷന്റെ സേലം സൗത്ത് സെൻട്രൽ പ്രോവിൻസിന്റെ പ്രൊവിൻഷ്യൽ സുപ്പീരിയർ ഡോ.സിസ്റ്റർ ലൂർദ്‌മേരി സെൽവരാജ് മുഖ്യപ്രഭാഷണം നടത്തി. പ്രിൻസിപ്പൽ സിസ്റ്റർ ദീപ്തി അദ്ധ്യക്ഷത വഹിച്ചു. മാനേജർ സിസ്റ്റർ അനൂപ, ഡോ.സെബിൻ എസ്.കൊട്ടാരം, പി.ടി.എ പ്രസിഡന്റ് ഡോ.ഷിബി ചിറക്കരോട്ട് എന്നിവർ പങ്കെടുത്തു. റോക്സ്റ്റാർ കൗഷിക് നയിച്ച സംഗീത വിരുന്നും വിവിധ കലാപരിപാടികളും നടന്നു.