നൂറു മേനി വിളവുമായി ചെമ്മനത്ത് പാടശേഖരം

വൈക്കം: ചെമ്മനത്തുകര ചെമ്മനത്ത് ശ്രീകൃഷ്ണ ക്ഷേത്രത്തിന്റെ ഉടമസ്ഥതയിലുള്ള ഒന്നര ഏക്കർ പാടശേഖരത്തിൽ നടത്തിയ നെൽകൃഷിയിലാണ് നൂറു മേനി വിള വെടുപ്പ് . 120 ദിവസം കൊണ്ട് വിളവെടുക്കുന്ന വിത്ത് കഴിഞ്ഞ ഒക്ടോബറിലാണ് പാകിയത്. അടുത്ത ഒരു വർഷത്തേ നിവേദ്യങ്ങൾക്കായി ഈ നെല്ലിന്റെ അരിയാണ് ഉപയോഗിക്കുക. ഏഴ് വർഷമായി കൃഷി നടത്തി വരുന്ന പാടശേഖരത്തിൽ വർഷത്തിൽ ഒരു പ്രാവശ്യം നെൽകൃഷിയും മ​റ്റു സമയങ്ങളിൽ ചീര, വെണ്ട, വഴുതന, പയർ, മുളക് എന്നിവയും കൃഷി ചെയ്തു വരുന്നതായി ക്ഷേത്രം പ്രസിഡന്റ് എം.വി രാധാകൃഷ്ണൻ നായരും സെക്രട്ടറി രാകേഷ്.ടി നായരും പറഞ്ഞു.